«Bastau Bïznes»: Aqmola oblısınıñ turğını kölik orındığınıñ biregey` jamılğısın şığaradı

«Bastau Bïznes»: Aqmola oblısınıñ turğını kölik orındığınıñ biregey` jamılğısın şığaradı

14 şilde, 14:16 129 Aqmola oblısı
«Bastau Bïznes»: Aqmola oblısınıñ turğını kölik orındığınıñ biregey` jamılğısın şığaradı

Aqmola oblısı Bulandı awdanınıñ turğını, «Bastau Bïznes» jobasınıñ tülegi Ğay`nï Axmetova avtokölik orındıqtarına arnalğan biregey` jamılğı şığaradı, dep xabarlay`dı Bnews.kz.

Kïimderdiñ ülgisin oy`lap tawıp, onı tigw Ğay`nïge kişkentay` kezinen unay`tın. Ol özine, qurbıları men olardıñ analarına arnap kïim de tikken. T3pti türli äşekey`di de dayarlay`tın. Budan bölek ol kartïna salıp, öleñ jazğan.

Mektep bitirgen soñ qanday` mamandıq tañday`mın degen mäsele turdı. Ğay`nï Axmetova Kökşetawdağı Aqan seri atındağı mädenïet kolledjine tüsedi, bitirgen soñ «Kökşe» akademïyasında bilim aladı. Talanttı qolöner şeberi o bastan öz isin aşwğa nïetti edi.

Ğay`nï narıqtı jaqsılap üy`renip, memlekettik qoldawdıñ män-jay`ın anıqtay`dı.

Aqmola oblısı Ay`maqtıq käsipkerler palatasınıñ baspasöz qızmetiniñ jetekşisi Äsel Sızdıqovanıñ ay`twınşa, köktemde Ğay`nï Bulandı awdanınıñ Käsipkerlerdi qoldaw ortalığına jüginedi. Ol jerde mamandar «Bastau Bïznes»-te oqwğa keñes beredi.

«Oqw oñay` boldı. Qızıq, äri teorïyadan bölek biz türli bïznes-jağdayattarğa enip, röldik oy`ındar oy`nadıq. Aldımen qoldan jasay`tın äşekey` buy`ımdardı jasawğa nïettendim. Biraq ol köp pay`da äkelmey`di dep oy`landım. Key`in ulttıq naqışta avtokölik orındıqtarına jamılğı tigwge toqtadım», - dey`di käsipker.

«Biz oğan qalay` kömektessek boladı dep köp oy`landıq. İsti bastaw üşin qarjısı da, nesïe alay`ın dese, kepilge qoyatın mülki de bolğan joq. Sodan key`in jarnama jasawğa kömektestik. Onıñ önimderin älewmettik jeliler arqılı tarattıq», - dedi AKP Bulandı fïlïalınıñ dïrektorı Oljas Dïan.

Qazir Ğay`nï narıqtı belsendi türde meñgerip jatır. Bäsekelesteri men tutınwşılar twralı aqparattı talday`dı. Bolaşaqta qanday` erekşe önim şığarw ülgilerin äzirlep qoy`dı. Onıñ jobasına elordalıq öndirwşiler qızığwşılıq tanıttı. Olar isin endi bastap kele jatqan käsipkerge qajetti mata men tigin buy`ımdarın alıp berwge nïetti.

Biraq Ğay`nïdiñ anası olardan burın tigin maşïnasın alıp, qızın qwanttı. Tağı birewin Makïnka qalasında turatın käsipker jerlesi sıy`ladı.

«Meniñ armanım orındalatınına senemin. Al, mağan kömek bergen «Bastau Bïznes», - dep tüy`indedi joba tülegi.

 

Loading...