Almatıda QR Ulttıq ğılım akademïyası 70 jıldıq merey`toy`ın atap ötwde

Almatıda QR Ulttıq ğılım akademïyası 70 jıldıq merey`toy`ın atap ötwde

22 aqpan, 12:13 2221 Almatı
Almatıda QR Ulttıq ğılım akademïyası 70 jıldıq merey`toy`ın atap ötwde

70 jıl burın Qazaqstan Respwblïkasınıñ Ulttıq ğılım akademïyası qurılğan. Qazir Almatıda akademïyanıñ merey`toy`ına oray` Elbası, akademïk Nursultan Nazarbaevtıñ, qazaqstandıq jäne şeteldik zïyalı qawımıñ qatıswımen saltanattı jïın ötip jatır, dep xabarlay`dı BNews.kz

 

Şaranıñ aşılw saltanatında QR UĞA prezïdenti Murat Jurınov memleketimizdiñ qurılwı men damwındağı akademïyanıñ mañızdılığın ay`ttı.

«Şamamen 70 jıl burın Qazaq SSR Ğılım akademïyası aşılğan. Ol respwblïkamızdağı ğılımï-zerttew jumıstarın üy`lestirip, biriktirip otırdı. Ulttıq ğılım akademïyası bügingi merey`toy`ın Qazaqstannıñ älewmettik-ékonomïkalıq jañğırw kezeñinde atap ötwde. Qazir bükil älem jahandıq ékonomïkalıq dağdarıs jäne terrorïzmmen küresip jatır. Osı oray`da, Memleket basşısı Nursultan Nazarbaevtıñ xalıqaralıq arenadağı sayasï märtebesin de ay`tqım keledi. Ol xalıqaralıq terrorïzmmen küres jolındağı älemdik sayasatta jaña bastamalardı qolğa alıp jür», - dedi QR UĞA prezïdenti Murat Jurınov.

Murat Jurınov bayandamasında akademïya bügingi tañda Ult köşbasşısınıñ tañdağan jolın tolıq qolday`tının ay`ttı.

«QR UĞA müşeleri öz jïnalıstarında alğaşqılardıñ biri bolıp  konstïtwcïyalıq reformağa ündewdi jäne ékonomïka men älewmettik salanı üşinşi jañğırtw twralı Qazaqstan xalqına Joldawdı talqıladı, QR tuñğış  Prezïdenti jäne ult köşbasşısı jürgizip otırğan jaña sayasattı birawızdan qoldadı. Bizdiñ ğalımdar irgeli jäne qoldanbalı zerttewlerdi damıtwğa bar küşin saladı. Bul zerttewler älemdik deñgey`ge say` keledi jäne ğalımdar Qazaqstan tayaw on jılda älemniñ damığan 30 eliniñ qatarına kirwi üşin ayaqtalğan jumıstardıñ öndiriske belsendi engizilwine atsalısatın boladı»,- dedi Murat Jurınov.

UĞA prezïdenti  öz bayandamasında akademïyanıñ negizgi damw kezeñderin qozğap, ğılım qazaq xalqınıñ tarïxın, onıñ awmağı men mädenïetin zerttewden pay`da bolğanın atap ay`ttı. Äbw Nasır äl-Farabï, Q.A. Yassawï, Dwlatï, Bïrwnï, sonday`-aq körnekti resey`lik jäne ewropalıq ğalımdar: Ï.Krïllov, V.Tatïşşev, G.Mïller jäne basqalardıñ eñbekteri  oğan negiz bolğan.

Loading...
taqırıptı jalğastırwğa «Almatı»