Екібастұз қаласында 36 жас отбасы баспаналы болды
Құрметті оқырман! Сiз «BNews.kz» АА сайтының ескі нұсқасын көріп тұрсыз. Бұл жерден 12.12.2016 ж. дейінгі барлық материалды көре аласыз.
Біздің жаңа сайтымыз www.bnews.kz орналасқан
Жоғары

Астана
USD 314.83
EUR 341.87
CNY 45.73
RUB 5.52


Екібастұз қаласында 36 жас отбасы баспаналы болды

Ермек ЕЛЕМЕСОВ, 2 желтоқсан 2016 ж 13:42 , Павлодар облысы
ФОТО: автор

Екібастұз қаласында «Жұмыспен қамтудың жол картасы-2020» бағдарламасы аясында 36 жас отбасы үшін төрт қабатты жатақхана салынды, деп хабарлайды BNews.kz тілшісі.


Қалалық жұмыспен қамту орталығының директоры Людмила Яценконың айтуынша, пәтерлерге ие болғандардың дені – 29 жасқа дейінгі балалар үйлерінің түлектері, медициналық қызметкерлер және жұмысшы жастар.

Жатақхана құрылысына 172 млн теңге бөлінді. Бұл қаражаттың 146 млн теңгесі республикалық бюджетке тиесілі.

Төрт қабатты жатақхана 2 және 3 бөлміле пәтерлерлен тұрады. Баспаналы болғандардың қатарында Екібастұз қаласының №3 ауруханасының қызметкері Мөлдір Мекен тұрғын үй кезегінде бірнеше жыл тұрған.

«Тәуелсіздік мерекесі қарсаңындапәтре иесі атандық. қуанышымызда шек жоқ», – дейді Мөлдір Мекен.

Айта кетейік, жыл басынан бері Екібастұзда «Жұмыспен қамтудың жол картасы-2020» бағдарламасы аясында 110 пәтерден тұратын 2 көпқабатты үй пайдалануға берілді. Ал өзге өңірлерден көшіп келген азаматтар үшін 74 бөлмелік жатақхана ашылған.

Жалпы, Павлодар облысында жыл басынан бері 700-ден астам азамат пәтерлі болған. Алдағы уақытта тағы 100 пәтерге шақталған нысан ел игілігіне берілмек.


Қатысты жаңалықтар:
comments powered by HyperComments