«Қазақстан» телеарнасының аймақтағы тілшілері облыстық филиалдардың құрамына кіреді
Наверх

Астана
USD 334.31
EUR 355.17
CNY 48.44
RUB 5.31


«Қазақстан» телеарнасының аймақтағы тілшілері облыстық филиалдардың құрамына кіреді

2 желтоқсан 2016 ж 11:16 , Астана
ФОТО: karagandy.mzsr.gov.kz

2017 жылдың 1 қаңтар айынан бастап «Қазақстан» корпорациясының 13 облыстағы 14 қосынының меншікті тілшілері, жалпы 29 адам облыстық филиалдардың ұжымын толықтырады, деп хабарлайды BNews.kz.


Алматы облысында «Қазақстан» РТРК» АҚ қарасты облыстық филиалдың жоқтығынан, ондағы қызметкерлер жұмысын жалғастырады.  

«Қазақстан» РТРК» АҚ басшылығының жоспарында қызметкерлерді жұмыстан қысқарту жоқ.  

Тілшілерді облыстық филиалдарға ауыстырудың бірден-бір себебі – жұмыстың қарқынын арттыру, берілетін материалдар санын көбейту. Бұған дейін тілшілер қосыны Астана қаласында орналасқан ақпараттық бағдарламалар дирекциясына қарады. Дирекцияға Қазақстанның түкпір-түкпірінде орналасқан меншікті тілшілердің жұмысын күнделікті бақылау қиын.

Жоғарыда аталған мәселелерді ескере келе, меншікті тілшілер мен  телеоператорларды еңбек ақысын сақтай отырып, қолындағы бар техникамен бірге облыстық телеарналардың қарамағына тапсыруға шешім қабылданды. Енді, облыстық телеарнада жұмыс істейтін әр тілші республикалық «Қазақстан», «Kazsport», «Балапан» телеарналары үшін ақпарат дайындау мүмкіндігін алады. Демек, аймақтағы тілшілердің дайындаған материалдары арасында үздіктерін республика көрермендері көреді.


comments powered by HyperComments