Павлодар облысында жол салған құрылысшылар жалақысын ала алмай жүр
манифест каз
Наверх

Астана
USD 336.48
EUR 376.15
CNY 51.34
RUB 5.03


Павлодар облысында жол салған құрылысшылар жалақысын ала алмай жүр

ФОТО: kaz.tengrinews.kz

«Павлодар – Астана» жолының «Спутник-Пограничник» учаскесінде жөндеу жұмыстарына құрылыс материалдарын тасымалдаумен айналысқан жүргізушілер былтырғы жылдың жазынан бері жалақы ала алмай жүр, деп хабарлайды Bnews.kz тілшісі.


60-қа жуық жүргізуші маңдай терімен тапқан ақшасын ала алмай, түрлі мекеменің табалдырығын тоздырған. Сан соғып қалған азаматтардың айтуынша, «Унистрой-ПВ» компаниясы бүгінде жүзге жуық жұмысшыға 90 миллион теңге қарыз.

Жеке кәсіпкер Бауыржан Сәбиковтың айтуынша, оның қарамағындағы 3 көлік жүргізушісі мамыр-қазан айлары аралығында еңбек еткен. Алайда, еңбекақысына қол жеткізе алмаған.

«Ақсу ауылдық аймағындағы 14 шақырымдық «Спутник-Пограничник» жол учаскесіне құрылыс материалдарын тасымалдаумен айналыстық. Әр жүргізушіге айына 700 мың теңге төлену керек еді. Біз еңбек келісімшартын «Унистрой-ПВ» фирмасымен жасадық. Бұған дейін бірнеше құзырлы органға шағымдандық. Әзірге нәтиже жоқ», - дейді кәсіпкер.

Павлодар қалалық прокуратурасының аға прокуроры Ерлан Түлековтің айтуынша, қазіргі таңда жұмысшыларына жалақы бермеген фирмаға қатысты тексеріс жұмыстары басталған.

«Қазір облыстық еңбек басқармасымен бірлесіп, «Унистрой-ПВ» компаниясына қатысты тексеріс жүргізіп жатырмыз. Компания жұмысшыларға қанша қарыз екені әзірге белгісіз. Басшыларын заңды мекенжайынан таппадық», - дейді Е. Түлеков.

Айта кетейік, жұмысшылар компанияның кеңесіне барып, басшылармен кездеспекші болған. Бірақ, директор жұмыс орнында болмапты.


comments powered by HyperComments