Aqmolada xïmïyalıq tıñay`tqış öndiretin käsiporın iske qosıldı
Qurmetti oqırman! Siz «BNews.kz» AA say`tınıñ eski nusqasın körip tursız. Bul jerden 12.12.2016 j. dey`ingi barlıq materïaldı köre alasız.
Bizdiñ jaña say`tımız www.bnews.kz ornalasqan
Joğarı
Astana
USD 371.31
EUR 419.32
CNY 53.83
RUB 5.59

Aqmolada xïmïyalıq tıñay`tqış öndiretin käsiporın iske qosıldı

Aqmaral AY`ĞARA, 9 jeltoqsan 2016 j 19:24 , Aqmola oblısı
FOTO: barvent.uz

Stepnogorskide Ïndwstrïyalandırw kartası şeñberinde «Avgwst-nan» seriktestiginiñ  «Glïfosfattı kalïy` tuzı jäne glïfosquramdı gerbïcïd öndirisi» ïnvestïcïyalıq jobası iske qosıldı, dep xabarlay`dı BNews.kz tilşisi.


Joba qunı – 2 mïllïard teñge. Qosımşa 80  jumıs ornın aşwğa mümkindik beretin käsiporındı aşwğa qajetti qarjını atalmış seriktestiktiñ qurıltay`şısı «Astana-nan» JŞS men resey`lik «Avgwst» JAQ öz qaltalarınan şığarıp otır. Jıldıq qwatı – 15  mïllïon lïtr suy`ıq  glïfosfattı gerbïcïd pen egin şarwaşılığına qajetti  xïmïyalıq tıñay`tqış şığaratın  zawıt öndirisi üşin qajetti şïkizattıñ 80 pay`ızı otandıq bolsa,  20 pay`ızı şetelderden äkelinedi. Tağı bir ay`ta keterlik jay`, käsiporın negizinen éksport üşin jumıs istey`di. Önimniñ 30 pay`ızı işki rınokqa şığarılsa, qalğan 70 pay`ızı Ewrazïyalıq qawımdastıq elderine jäne alıs şetelderge satılatın boladı.

«Atalğan joba egin şarwaşılığımen ay`nalısatın  elimizdiñ astıqtı öñirlerin asa qajet tıñay`tqıştarmen, zïyankesterden qorğay`tın gerbïcïdpen qamtamasız etwge ay`tarlıqtay` ïgi ıqpalın tïgizetin boladı. TMD elderiniñ awmağında däl qazirgi küni xïmïyalıq tıñay`tqıştar men xïmïkattar şığaratın munday` iri käsiporın joq. Şeteldik ozıq texnologïyamen jumıs istey`tin zawıttıñ jumısı tügel avtomattandırılğan. Käsiporın önim quy`ılatın ärtürli sıy`ımdılıqtağı plastmassa qutılardı da tügel özi şığaradı»,– dey`di «Astana-nan» seriktestiginiñ bas dïrektorı Murat Särsembaev.

Kompanïya bügingi küni eginşilikke qajetti 66 türli xïmïyalıq tıñay`tqıştar, zïyankestermen küreske arnalğan xïmïkattar şığaradı. Bïılğı jılı öz önimderin Resey`ge éksportqa şığarwdı qolğa alğalı otır. Kompanïya endi Stepnogorsk qalasında keñes zamanında salınıp, key`inirek jabılıp qalğan, biraz jıldar qañırap bos turğan ğïmarattardı satıp alıp, irgeli käsiporınğa ay`naldırıp otır.

Seriktestikte bügingi küni 145 adam eñbek etedi. Ay`lıq ortaşa jalaqı toqsan mıñ teñge köleminde. Oğan qosa, jumıs kïimi, tegin tamaq beriledi jäne tañerteñ, keşke jumısqa arnay`ı kölikpen tasımalday`dı. Jaña joba qosımşa seksen jumıs ornın aşwğa mümkindik beredi. Munıñ özi öñirdegi jumıssızdıqtı azay`tıp, öndiristi örkendetwge jäne byudjet qorjının toltırwğa ay`tarlıqtay` ıqpalı bolatını anıq.

«Elimizdiñ iri astıqtı ay`mağı sanalatın öñir üşin jaña zawıttıñ berer tağı bir ïgiligi – egistiktiñ gektar bereketin molay`twğa  ay`tarlıqtay`  ıqpalı bolmaq. Astananıñ azıq-tülik beldewi bağdarlamasına belsene qatısatın öñir şarwaşılıqtarı egin jäne baw-baqşa önimderin zïyankesterden qorğap, önim kölemin arttırwğa mümkindik beretin tıñay`tqıştar men xïmïkattar alwğa mümkindik twıp otır»,–dey`di Murat Särsembaev.


Qatıstı jañalıqtar: