Dünïejüzilik sawda uy`ımı Qazaqstanğa ne beredi?
Qurmetti oqırman! Siz «BNews.kz» AA say`tınıñ eski nusqasın körip tursız. Bul jerden 12.12.2016 j. dey`ingi barlıq materïaldı köre alasız.
Bizdiñ jaña say`tımız www.bnews.kz ornalasqan
Joğarı
Astana
USD 377.62
EUR 426.03
CNY 55.78
RUB 5.67

Dünïejüzilik sawda uy`ımı Qazaqstanğa ne beredi?

Qımbat ELTAY`QIZI, 1 jeltoqsan 2015 j 10:42

Keşe Astanadağı Täwelsizdik saray`ında Qazaqstan Prezïdenti Nursultan Nazarbaev keler jılğa arnalğan «Qazaqstan jaña jahandıq naqtı axwalda: ösim, reformalar, damw» taqırıbındağı kezekti xalıqqa Joldawın jarïyaladı. Memleket basşısı Qazaqstan Dünïejüzilik sawda uy`ımına büginnen bastap müşe ekenin atap ötti. Sonımen, DSU Qazaqstanğa ne beredi?


«Biz bïılğı jılı Dünïejüzilik sawda uy`ımına kirw jönindegi kelissözderdi tabıstı ayaqtadıq. DSU-ğa müşe bolw bizdiñ ékonomïkamızdı jaña kökjïekterge bastay`dı. Käsiporındarımızdıñ şetel narıqtarına şığwın qamtamasız etedi. Al tutınwşılar üşin tawarlar men qızmetterdiñ keñ awqımına tañdaw jasawğa jol aşadı. Büginde sawda-sattığımızdıñ 90 pay`ızı Dünïejüzilik sawda uy`ımına müşe elderge tïesili. Qazaqstan şeteldik ïnvestorlar men seriktester üşin burınğıdan da tartımdı bola tüsedi. Jaña öndirister men jumıs orındarın aşwğa mümkindikter twadı. Biz bul nätïjege jetw üşin 19 jıl tabandı türde jumıs jürgizdik, kelissözder oñay` bolğan joq. Osı jıldarı bizdiñ ükimet jäne sarapşılarımız elimizge tïimdi şarttarğa qol jetkizw üşin talmay` eñbek etti. Biz Dünïejüzilik sawda uy`ımı men Ewrazïyalıq ékonomïkalıq odaqtıñ talaptarın uştastıra aldıq. Bul rette ulttıq müddelerimizdi de qorğay` bildik. Büginnen bastap Qazaqstan Dünïejüzilik sawda uy`ımına müşe», – dedi Elbası xalıqqa arnağan Joldawında.

DSU artıqşılıqtarına kelsek, 2015 jıldıñ 1 jeltoqsanınan bastap 2016 jıldıñ 1 jeltoqsanına dey`in 1397 tawardıñ mölşerlemesi tömendey`di. Bul tizimge: et, kondïterlik önimder, awıl şarwaşılığı tawarları, kölik jäne özgeler kiredi. DSU-ğa müşe bolw Qazaqstanğa köptaraptı sawda kelissözderine qatısw arqılı strategïyalıq sawda-ékonomïkalıq müddelerdi pay`dalanwğa qosımşa mümkindikter beredi jäne DSU-nıñ özge müşelerine osı elderdiñ işki kölik tarïfteri boy`ınşa tawarlardı éksporttaw mümkindikterin beredi. Jäne de birlesken käsiporındar qurw, zïyatkerlik menşik nısandarın almastırw, ékonomïkanıñ türli salalarına jaña texnologïyalar men ïnvestïcïyalar tartw üşin zor mümkindikter aşadı. Sonday`-aq, uy`ımğa kirgennen key`in şetelden kelgen ïnvestorlarğa biliktiligi joğarı mamandarın şektewsiz alıp kelwge mümkindik aşıladı. Biraq, şeteldik kompanïyalar qazaqstandıq turğındardı jumıspen qamtwğa mindetteledi. Mısalı, bul kompanïyalardağı qızmetkerlerdiñ 50 pay`ızı elimizdiñ turğındarı bolwı kerek. Är kompanïya qazaqstandıq mamandardı ösirwge, day`ındawğa mindettelwi tïis. Sonımen qatar, telekommwnïkacïya, qarjı sektorındağı şeteldik kompanïyalarğa qoy`ılatın şektewler men eki jarım jıldan key`in 49 pay`ızdıq şeteldik ïnvestorlardıñ kapïtalına qoldanılatın şektewler alıp tastaladı. Sonday`-aq, qarjı salasında şeteldik bankter men saqtandırw qızmetin körsetetin kompanïyalar üşin tikeley` fïlïal aşwğa ruqsat berilmey`di. DSU-ğa ötken bes jıldan key`in ğana şeteldik bankter men saqtandırw kompanïyaları fïlïaldarın aşa aladı. Jäne de Ewrazïyalıq Odaq pen Ewropa Odağı elderi arasında vïzalıq rejïm jeñildetiledi.

Atap ötsek, Qazaqstan 10-18 jeltoqsanda Nay`robïde ötetin DSU-nıñ X-şı mïnïstrlik kezdeswine qatısadı.

Esteriñizge sala ketey`ik, 27 şilde küni Jenevada Qazaqstan Prezïdenti Nursultan Nazarbaev pen Dünïejüzilik sawda uy`ımınıñ bas dïrektorı Roberto Azavedo respwblïkanıñ DSU-ğa qosılwı twralı xattamağa qol qoy`ğan bolatın. Söy`tip, Qazaqstan älemdik sawdanıñ körigin qızdırıp otırğan alıp Uy`ımnıñ quramına qosılğan 162-şi el atandı.


Qatıstı jañalıqtar: