BAQ ökilderi «Oralman» fïlʹmin tamaşaladı
Qurmetti oqırman! Siz «BNews.kz» AA say`tınıñ eski nusqasın körip tursız. Bul jerden 12.12.2016 j. dey`ingi barlıq materïaldı köre alasız.
Bizdiñ jaña say`tımız www.bnews.kz ornalasqan
Joğarı
Astana
USD 376.09
EUR 426.71
CNY 55.99
RUB 5.72

BAQ ökilderi «Oralman» fïlʹmin tamaşaladı

8 qaraşa 2016 j 16:17
FOTO: Brod.kz

Bügin Bekmambetov cinema kïnoteatrında rejïsser Säbït Qurmanbekovtıñ «Oralman» tolıqmetrajdı körkem fïlʹmi buqaralıq aqparat quraldarı ökilderine körsetildi, dep xabarlay`dı BNews.kz.


Fïlʹmdi QR Mädenïet jäne sport mïnïstrliginiñ tapsırısı boy`ınşa Ş.Ay`manov atındağı «Qazaqfïlʹm» AQ tüsirgen.

Fïlʹm Qazaqstan Respwblïkası Täwelsizdiginiñ 25 jıldıq merey`toy`ına oray`lastırılıp otır. Kïnotwındı XX ğasırdıñ 30-şı jıldarı twğan jerinen ketwge mäjbür bolğan, alay`da ondağan jıldar ötken soñ eline qay`ta oralğan qandastarımız jay`lı.

Jabıq körsetilim barısında scenarïy` avtorı, kïnodramatwrg Nurlan Sanjar fïlʹm jay`lı:

«Qarjınıñ keşiktirilwine bay`lanıstı bul fïlʹmniñ körermen qawımğa jeter jolı uzaq äri kürdeli boldı. Desek te, qarjı bölinip, ülken ékranğa şıqtı. Kïno atamekenine qonıs awdarwdı armanday`tın qarapay`ım adam twralı. Fïlʹm avtorınıñ biri retinde, qazaq üşin Otan uğımı kün köris qamı ıñğay`lı jer emes, bay`taq dala ekendigin jetkizgim keldi», - dedi.

Sonday`-aq, rejïsser Säbït Qurmanbekov fïlʹmdi saxnalawğa qalay` kelgendigin ay`ttı: «Nurlan Sanjardıñ scenarïy`in qolğa alğanda, köz aldıma twğan jerine bet alğan adamdardıñ tozaqtan jumaqqa qaray` kele jatqan key`pi kele qaldı. Öy`tkeni meniñ key`ipkerim Awğanstannan Qazaqstanğa qonıs awdarğan qandasımız».

Ay`ta ketey`ik, fïlʹmde XX ğasırdıñ 30-şı jıldarı qızıl äskerdiñ jendetterinen Awğanstanğa qonıs awdarwğa mäjbür bolğan qazaq otbasınıñ ömiri swretteledi. Bas key`ipker Bazarbay` qarttıñ bir qızı men ulı sol jaqta dünïege keledi. Balaları esey`ip, otbasın quradı. Ulı Saparqul jergilikti pwştwn ultınan kelinşek aladı. Al qızı awğan jigitine turmısqa şığadı. Saparqul soğıs kezinde modjaxetter jağında soğısadı. Jıldar ötedi. Bazarbay`dıñ otbası Qazaqstanğa köşwge ruqsat beretin kvota aladı. Barlığı jolğa jïnaladı. Tek Bazarbay`dıñ qızı ğana twıstarımen birge köşe almay`dı.

Tawlı qışlaqtan şıqqan otbasını uzaq jol kütedi. Aqırı Qazaqstan Respwblïkası şekarasına jetedi. Qarttıñ armanı orındalıp, twğan elimen qay`ta qawışadı. Ol jerdi süy`ip, közine jas alıp, atamekenine oralğanına qwanadı.

Mïgracïyalıq polïcïya otbasığa Bay`qoñır ğarış ay`lağına jaqın ornalasqan Töretam awılına joldama beredi. Olar osında üy` salıp, jaña ömir bastap, ülken otbası bolğısı keledi. Alay`da köp uzamay` Bazarbay` qart dünïeden ötedi. Saparqul qïrap qalğan äskerï radar ğïmaratın qay`ta jöndep, ornına meşit turğızadı.

«Oralman» fïlʹminiñ scenarïy`in kïnodramatwrg Nurlan Sanjar Säbït Qurmanbekovtiñ qatıswımen jazğan. Kompozïtorı – Ay`dos Sağat. Fïlʹmniñ tüsirilim jumıstarına kïnostwdïyanıñ burınğı jobalarına qatısıp, tabısqa jetken, jüktelgen mindetterin abıroy`men orındap şıqqan kïnogerler – rejïsserler, operatorlar, sazgerler men swretşiler jumıldırılğan.

Fïlʹmge Dwlığa Aqmolda, Esim Segizbaev, Erjan Tüsipov, Şınar Asqarova, Bayan Qajnabïeva sındı qazaqstandıq tanımal akterler tüsken.


Qatıstı jañalıqtar: