Kökşetawlıqtar da  «91» tobınıñ koncert ötkizwine qarsı
Qurmetti oqırman! Siz «BNews.kz» AA say`tınıñ eski nusqasın körip tursız. Bul jerden 12.12.2016 j. dey`ingi barlıq materïaldı köre alasız.
Bizdiñ jaña say`tımız www.bnews.kz ornalasqan
Joğarı
Astana
USD 377.62
EUR 426.03
CNY 55.78
RUB 5.67

Kökşetawlıqtar da  «91» tobınıñ koncert ötkizwine qarsı

Aqmaral, 9 qaraşa 2016 j 09:49 , Aqmola oblısı
FOTO: 91ninetyone.kz

Kökşetawda «91» tobı koncert qoyuğa keledi jäne bïletter onlay`n negizinde satılıp jatır degen aqpardı estigen belsendi azamattar birden qarsılıq bildirdi. Tek olardıñ toptıñ repertwarındağı änderge qarsılığı joq eken. Täwelsizdikpen bay`lanıstırıp qoy`ılğan «91» atawı men kïimderin jöndese degen talaptarın ay`ttı, dep xabarlay`dı BNews.kz tilşisi.


Aqmola oblıstıq mädenïet basqarmasınıñ jetekşisi Säwle Böribaeva bïletterdiñ durıs ötpewine bay`lanıstı koncert toqtatılğandığın ay`ttı.

«Atalğan top 11 qaraşada «Kökşetaw» mädenïet saray`ında koncert ötkizbek bolğan. Alay`da bïletter az satılğandıqtan, koncert ötpey`tin boldı»,–dedi ol.

Qaraşa ay`ı bastalğalı Kökşetaw jurtı da «91» tobı keledi dep dürlikti. Jastar jağı olardı saxnağa şığartpay`mız dese, ülkender basw ay`tıp, bir şw şığıp ketpese eken dep tiledi.

«Öz basım bul toptıñ änin tıñdap, änşilerin közimmen körgen jan emespin. Biraq, olardıñ qızşa kïingen kelbetterin kün say`ın ğalamtor arqılı jarïyalap jattı ğoy`. Sosın da öz basım olardıñ änderin tıñdap körmegesin şığarmaşılıqtarı jay`lı bağa bere almay`mın. Meni de qınjıltqanı olardıñ kïim kïisi men sän qoyu ülgisi. Büginde azğındıqtıñ qurdımına qulağan Batıs elderinde bäri osınday` er adamdardıñ äy`elderşe kïinwinen bastalğan. Onıñ aqırı munday`lardıñ qatarın köbey`tip, bunı jastar arasında «modağa» ay`naldırdı. Sodan eliktegiş jastar gey` degen tamaşa närse eken dep, jappay` soğan bet burğan. Mine, sol Batıstıq scenarïy` bizde de körinis berwde. Aldımen, äy`elşe kïingen erkekter jurttıñ közin üy`retedi. Sodan key`in aşıqtan aşıq köşege şığıp, taptalğan quqıqtarın qalpına keltirwdi, erkek pen erkektiñ üy`lenwin, otbası qurwın zañdastırwdı surap, şerwletedi. Aqırında joğarıda otırğan jäne şeteldik qaltalı qoldawşılarınıñ küşimen sonday` zañdardı qabıldattıradı. Mine, söy`tip, biraz jıldan key`in bir jınıstı otbasılar bizdiñ elimizde de köbey`ip, azğındıq beleñ almasına kim kepil?»,–dey`di jwrnalïst Qalköz Jüsip.

Şaştarın boyap, qulaqtarına sırğa taqqan, älem-jälem kïingen «91» dep atalatın änşiler tobınıñ koncertin qoy`ğızwğa aldımen Şımkent, sodan key`in Aqtöbe qalasınıñ qazaqtarı qarsı şıqtı. Sonımen 11 qaraşağa belgilengen atışwlı toptıñ koncerti Kökşetawda da ötpey`tin boldı. Munıñ özi älewmettik jelilerde daw twğızıp, äy`elşe kïingen jigitterdi jaqtağandar da, dattağandar da boldı.

«Saxna degen kïeli närse. Birjan men Aqanday`, Ükili Ibıray` men Balwan Şolaqtay` ulılar öner körsetken Kökşetawdıñ kïeli saxnasına älgi qızşa kïingen «91» tobınıñ şığwına eş qaqısı joq. Batıstıñ bey`ädep mädenïetin tıqpalap, jastarımızdı ulttıq bolmısınan alıstatw jaqsılıqqa aparmay`dı. Atalğan topqa qarsı bolwımnıñ astarında da saxna arqılı olar öz önerlerin emes, ulttıq dästürimizge jat kïim men sän ülgisin nasïxattawı jatır. Al, meniñ bilwimşe, «91» atawı täwelsizdik alğan jıldıñ qurmetine qoy`ılğan sïyaqtı. Sonda ğasırlar boy`ı babalarımız qasıq qandarı qalğanşa bodandıqpen küreskende keler urpağı batıstıñ janımızğa jat dästürin nasïxattasın demegen bolar. Azattıq alğan qazaqtıñ qasterli mezgilin ataw etkende ultımızdıñ bolmıs-bitimine tükirip te qaramağan sıñay` tanıtqanı ğoy`? Qazir batısta bir jınıstılar nekelesip, ardan azıp jatqanda qızşa kïinip, batıstıñ bizdiñ ulttıq mentalïtetimizben sıy`ıspay`tın dästürin tıqpalap, jastardıñ sanasın wlawına jol bermey`miz!» – dey`di «El birligi» qoğamınıñ jawaptı xatşısı Baqıt Smağul.


Qatıstı jañalıqtar: