Täşkendi tänti etken qazaq qızı
Qurmetti oqırman! Siz «BNews.kz» AA say`tınıñ eski nusqasın körip tursız. Bul jerden 12.12.2016 j. dey`ingi barlıq materïaldı köre alasız.
Bizdiñ jaña say`tımız www.bnews.kz ornalasqan
Joğarı
Astana
USD 377.62
EUR 426.03
CNY 55.78
RUB 5.67

Täşkendi tänti etken qazaq qızı

25 qaraşa 2016 j 18:55

Almatıdağı P.Çay`kovskïy` atındağı mwzıkalıq kolledj stwdenti Özbekstan astanasınan ülken jeñispen oraldı. 405 adam qatısqan öner dodasında Qorqıttıñ qobızın sarnatqan qazaq qızınıñ eñbegi, ustazınıñ ümiti aqtaldı, dep xabarlay`dı BNews.kz.


Jwırda ğana Täşkende «Ona yurt oxanglarï» («Twğan eldiñ äweni») dep atalatın İİ xalıqaralıq mwzıkalıq bay`qaw märesine jetti. Öner dodası jıl say`ın Özbekstan Respwblïkası Bilim, mädenïe jäne sport jönindegi mïnïstrligi, «Soglom avlod wçwn» xalıqaralıq qay`ırımdılıq qorı jäne Özbekstannıñ kompozïtorlar Odağı uy`ımdastırğan.

Bïılğı öner say`ısına 9 elden barlığı 405 önerpaz qatısqan. Olar 12-15 jäne 16-19 jas aralığındağılar bolıp eki topqa bölingen. Är top boy`ınşa ürmeli, ısqıştar, urmalı jäne işekti aspaptar nomïnacïyası boy`ınşa bölingen.

Almatıdan osı bay`qawğa arnay`ı barğan P.Çay`kovskïy` atındağı mwzıka kolledjiniñ 4 kwrs stwdenti Ïndïra Jandaşova ısqıştar nomïnacïyası boy`ınşa birinşi orındı jeñip aldı.

«Bul jalpı ülken konkwrs. Bizdiñ nomïnacïya boy`ınşa Qazaqstan, Özbekstan, Qırğızstan, Täjikstan jäne Azerbay`jannan önerpazdar qatıstı. Qay` qay`sısı bolmasın öte önerli, talanttı mwzıkanttarın alıp kelgen. Biz de osı bay`qawğa tïyanaqtı day`ındalğan edik. Şäkirtim Ïndïra ısqış aspaptardıñ işinde qobızben şığıp, öte tamaşa öner körsetip, birinşi orındı jeñip aldı. Eñbegimiz jandı. Meniñ ükilegen ümitim aqtaldı. Qwanışımızda şek joq», dey`di jeñimpazdıñ ustazı Gülay`ım Qojamqulova.

«Twğan eldiñ äweni» xalıqaralıq bay`qawı 2014 jıldan beri dästürli türde ötip keledi. Atalğan bay`qaw jäy` önerpazdardıñ konkwrsı emes, kädimgi käsibï mwzıkalıq bilim beretin arnay`ı jäne joğarı oqw orındarınıñ tülekteri men ustazdarı qatısatın bedeldi doda ekenin ay`ta ketw kerek. Bay`qawğa törelik etken resey`lik mamandardıñ ay`twınşa, bul jas mwzıkanttarğa öziniñ önerin körsetip, bolaşaqqa bağdar jasawına jäne bügingi mwzıkalıq önerde bar dünïelerdi elep-ekşep, saraptamadan ötkizwge de ülken mümkindik beredi.


Qatıstı jañalıqtar: