Şımkentte «Qazına» étno-tarïxï keşeni aşıldı (FOTO)
Qurmetti oqırman! Siz «BNews.kz» AA say`tınıñ eski nusqasın körip tursız. Bul jerden 12.12.2016 j. dey`ingi barlıq materïaldı köre alasız.
Bizdiñ jaña say`tımız www.bnews.kz ornalasqan
Joğarı
Astana
USD 376.09
EUR 426.71
CNY 55.99
RUB 5.72

Şımkentte «Qazına» étno-tarïxï keşeni aşıldı (FOTO)

21 qazan 2015 j 16:48 , ШЫМКЕНТ

Bügin Qazaq xandığınıñ 550 jıldıq merey`toy`ına arnalğan merekelik şaralar ayasında «Nur Otan» partïyası törağasınıñ birinşi orınbasarı A.Mırzaxmetov, Qazaqstan Respwblïkasınıñ mädenïet jäne sport mïnïstri A.Muxamedïulı jäne Oñtüstik Qazaqstan oblısınıñ äkimi B.Atamqulov «Qazına» étno-tarïxï keşenin aştı, dep xabarlay`dı Bnews.kz.


Saltanattı räsimge belgili mädenïet, öner qay`ratkerleri, ğalım, tarïxşılar, qoğamdıq birlestikter ökilderi men öñir jastarı qatıstı.

Şaranıñ aldında Oblıstıq tarïxï-ölketanw murajay`ında Qazaq xandığınıñ 550 jıldığı monwmentine dey`in qolöner, qılqalam şeberleriniñ körmesi ötti.

Jaña keşenniñ awdanı 75 gektar jerdi alıp jatır. Keşenge «Bäy`dibek bï» eskertkişi, «Nawrız» alañı, oblıstıq tarïxï-ölketanw murajay`ı, ädet-ğurıp jäne salt-dästür ortalığı, ïppodrom birıñğay` säwlet ansambline biriktirildi. Étnosayabaqta ay`maqtıñ tarïxï-mädenï eskertkişteriniñ 27 maketinen turatın étno-tarïxï sayabaq jäne tarïxï qundılıqtar ornatılğan, al ortalıqta dïametri 21 metr bolatın türli-tüsti swburqaq qoy`ılğan.

Étno-tarïxï keşende Qazaq xandığınıñ 550 jıldığınıñ monwmenti ornatılğan. Eskertkiştiñ bïiktigi 15 metr, ol qazaq ulttıq oyuları salınğan örilgen eki arkadan turadı. Eskertkiştiñ ortasına bïiktigi 10 metr, eni 8 metr pïramïdalıq kompozïcïya ornatılğan. Pïramïdanıñ şetinde qazaq xandığınıñ barelʹeftik kompozïcïyası men «Qazaq xandığına 550 jıl» jäne Elbası N.Nazarbaevtıñ «Qazaq xandığınıñ 550 jıldığı bul ulttıq tarïxtı ulıqtaw men bügingi jetistikterdi lay`ıqtı bağalaw» degen sözi oy`ılıp jazılğan.

«Jay`law» köliniñ jağalawındağı eskertkiştiñ qasında qazaq awılı orın tepken. Jağalawdağı demalıs ay`mağınıñ awmağı 15 gektar jerge jay`ılğan. Munda 4 rotonda ornatılıp, qay`ıq stansası, kölik turağı jabdıqtalğan. Bul étno-tarïxï keşen qala turğındarı men qonaqtarınıñ süy`ikti demalıs ornına ay`naladı.


Qatıstı jañalıqtar: