Älemniñ üzdik 30 startaperi «ÉKSPO» körmesine qatısadı
Qurmetti oqırman! Siz «BNews.kz» AA say`tınıñ eski nusqasın körip tursız. Bul jerden 12.12.2016 j. dey`ingi barlıq materïaldı köre alasız.
Bizdiñ jaña say`tımız www.bnews.kz ornalasqan
Joğarı
Astana
USD 377.62
EUR 426.03
CNY 55.78
RUB 5.67

Älemniñ üzdik 30 startaperi «ÉKSPO» körmesine qatısadı

13 qazan 2016 j 19:17
FOTO: 2-capital.ru

Elimizde 5 ay` burın New Energy Global Startup Fest xalıqaralıq startap jobalar konkwrsı bastaldı. Onıñ üzdik 30 startaperi «ÉKSPO-2017» körmesine qatısw mümkindigine ïe boladı. Bul twralı OKQ brïfïngi barısında bay`qawdıñ uy`ımdastırw komïtetiniñ basşısı Anna Degtereva mälim etti, dep xabarlay`dı BNews.kz.


«27 qazan küni Qazaqstanda xalıqaralıq deñgey`degi New Energy Global Startup Fest şarası ötedi. Onda biz älemniñ 100 üzdik jobasın körw mümkindigine ïe bolamız. Xalıqaralıq ïnvestorlar men qazılar solardıñ arasınan üzdik 30 komandanı iriktey`di, jobalardıñ bir böligi ïnvestïcïyalanadı. Sebebi, konkwrsqa jergilikti ïnvestorlarmen qatar, Ewropa, AQŞ, Ündistan men Qıtay`dan ïnvestorlar keledi. Olar 50-100 mıñ dollarğa dey`in ïnvestïcïya quyuı mümkin. Sonday`-aq, bizde osı komandalarğa arnay`ı sıy`-sıyapattar qarastırılğan», - dey`di A.Degtereva.

Uy`ımdastırwşınıñ ay`twınşa, bul şarağa day`ındıqqa 5 ay` waqıt ketken. Konkwrstıñ maqsatı – älem boy`ınşa jasıl jäne balamalı énergetïka salasındağı eñ ozat, biregey` texnologïyalardı, iriktep, anıqtaw. Sonday`-aq, üzdik atanğan komandalardı Astanağa äkelw.

Brïfïngte söz alğan «Munay` jäne gaz» aqparattıq taldaw ortalığı» AQ Bas dïrektorınıñ m.a. Asqar Munara 27 qazan küni anıqtalğan üzdik otızdıq «ÉKSPO-2017» körmesine şaqırıladı dedi.

«Konkwrsqa älemniñ 51 memleketinen 800-den astam komanda öz jobaların usındı. Olardan 200, odan key`in 100 joba iriktelip alındı. Endi Qazaqstanğa keletin jüzdikten 30, key`innen 3 joba anıqtaladı. Üzdik 30 komandanı biz ÉKSPO-2017 körmesine şaqıramız. Biraq, komandalar körmege qanday` kelisimşartpen qatısatını äli şeşilgen joq», - dedi A.Munara.

Onıñ ay`twınşa, konkwrsqa Qazaqstannan 4 komanda qatısadı. Otandıq jobalardıñ köpşiligi kün énergetïkasımen bay`lanıstı.


Qatıstı jañalıqtar: