Ақылы автотұрақты мобильді қосымша көмегімен төлеуге болады - Жаңалықтар | BNews

Ақылы автотұрақты мобильді қосымша көмегімен төлеуге болады

18 шілде, 15:37 1612 Астана
Ақылы автотұрақты мобильді қосымша көмегімен төлеуге болады

Енді ақылы автотұрақ құнын Senim мобильді қосымшасы көмегімен төлеуге болады.

"Астана қаласы көлік кеңістігін басқару" ЖШС 2018 жылдың шілде айынан бастап қала тұрғындары мен қонақтарына ақылы автотұрақ құнын төлеудің ыңғайлы формасын ұсынады, деп хабарлайды BNews.kz қала әкімінің ресми сайтына сілтеме жасап.

Енді ақылы автотұрақ құнын Senim мобильді қосымшасы көмегімен төлеуге болады. Ол үшін Senim мобильді қосымшасын жүктеп, оған тіркеліп, балансты толтыру қажет. Содан соң, "Баптаулар" ішінде Senim Parking-ке кіріп, көлігіңіз туралы барлық ақпаратты енгізіп, ақылы автотұрақ құнын бір тетікпен төлеу қажет.

Осы жылдың 15 қаңтарынан бастап "Нұржол" желекжолында ақылы көлік тұрақтары жобасы іске қосылды. 472 көлікке орын әзірленіп, жол белгілері сызылды. Сол сияқты ақпарат алу тақталары орнатылып, 12 паркомат қойылды.

Мамандардың айтуынша, тұрақ құны таңғы сағат 8.00-ден кешкі 20.00-ге дейін сағатына 100 теңге. Төлем көлікті тұраққа қойған сәттен бастап алғашқы 30 минут ішінде жүргізілуі тиіс. Ал демалыс және мереке күндері тұрақты пайдалану тегін. Тұрақты пайдалану тәртібі мен төлем тәсілдері және паркоматтар орналасқан орындар туралы www.2888.kz. сайтынан да толығырақ ақпарат алуға болады. 

Сонымен қатар, ҰОС ардагерлері, бірінші және екінші топтағы мүгедектер, "Алтын Қыран" және "Халық Қаһарманы" ордендерінің иегерлері, "Алтын алқа" және "Күміс алқа" иегерлері, Семей ядролық сынақ полигонында жүргізілген сынақтардан зардап шеккендер, Ауғанстандағы және басқа елдердегі әскери іс-қимылдан жапа шеккен мүгедектер мен ардагерлер тұрақ үшін ақы төлемейді.

Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас жаңалықтар

`

Серіктестер жаңалықтары