Ақтөбеде кәуап пісірмек болған жүкті әйел күйік шалып көз жұмды - Жаңалықтар | BNews

Ақтөбеде кәуап пісірмек болған жүкті әйел күйік шалып көз жұмды

10 тамыз, 12:06 2543 Ақтөбе облысы
Ақтөбеде кәуап пісірмек болған жүкті әйел күйік шалып көз жұмды

Ақтөбенің Кеңқияқ ауылында қайғылы жағдай тіркелді.

Отқа керосин құйып, кәуап пісірмек болған отбасында жүкті әйел көз жұмды, деп хабарлады ҚазАқпарат.

Кеңқияқ ауылы тұрғындарының айтуынша, кәуап пісірмек болған отағасы от тұтатып, жанбаған соң 5 литр "бөтелкеде" тұрған жанар-жағармайды отқа құйып жібереді. Сол кезде от лап етіп, жанып жатқан пластик "бөтелкедегі" бензин жүкті әйелдің үстіне төгіледі. Ерлі-зайыптылар күйік шалып, ауруханаға түсті. Дәрігерлер жүкті әйелге ота жасағанымен, ана мен баланы аман алып қалу мүмкін болмады. Ал денесінің тең жартысын күйік шалған ауыл тұрғыны қазір ем қабылдап жатыр. 

"Күйік шалған ер адам ауруханада ем алып жатыр. Жағдайы бірқалыпты, орташа. Науқас жалпы палатаға ауыстырылды", - деді Ақтөбе облыстық денсаулық сақтау басқармасының бас маманы Алмагүл Сержанова.

Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас жаңалықтар

`

Серіктестер жаңалықтары