Алматы ақылды қалалар Еуропалық форумының ең жоғары марапатына ие болды

Написать нам
18 қазан, 2018, 11:41 3202 Алматы
Алматы ақылды қалалар Еуропалық форумының ең жоғары марапатына ие болды

Конкурс комитеті Алматының қоғамдық көліктегі табыстың ашықтығына цифрлық технологияны пайдалануы, экологияны жақсартуға басымдылық беруі сынды басты критерийлерді атап өтті.

Алматы Люблянда өткен ақылды қалалардың "Smart city-2018" Еуропалық форумында көлік жүйесін кешенді реформалау бойынша бірінші орынды иеленді, деп хабарлайды BNews.kz қала әкімдігінің баспасөз қызметіне сілтеме жасап.

50 ең үздік әлемдік практика мен инновациялық жобалардың финалдық үштігіне "Анкара парк" туристік жобасымен түрік астанасы Анкара мен "Сава өзеніне тұрғындардың оралуы" бағдарламасымен хорваттың Загреб қаласы да енді.

Конкурс комитеті Алматының қоғамдық көліктегі табыстың ашықтығына цифрлық технологияны пайдалануы, оның әртүрлігі мен қолжетімділігі, сарапшылар мен бизнестің қатысуы, Мемлекеттік-жекеменшік әріптестік механизмінің ұтымды қолданылуы, экологияны жақсартуға басымдылық беруі сынды басты критерийлерді атап өтті. Айта кетерлігі, биыл қалада автобус парктерін жаңарту деңгейі 80%-ға жететін болады. Жеке инвестиция есебінен үшінші буындағы электробустар шығаратын автобус паркі мен зауыт салынды. Электробустарды қала бағыттары бойынша жүргізу мегаполис экологиясына оң әсер етеді. 

Елімізде алғаш рет BRT жүйесі іске асты, қоғамдық көлік үшін 110 км арнайы жолақтар жасалды, қаланың 10 орталық көшесіне біржақты көлік қозғалысы енгізілді, Орбитадан Көкбазарға дейін велодәліз жасақталды. Метроның екі бекетінің құрылысы жүруде, ол қаланы тыныш аудандармен және кейін қосылған елді мекендермен байланыстыратын болады.

Қазіргі кезде Алматыдағы қоғамдық көліктерде барлық транзакциялардың 97 пайызы қолма-қол ақшасыз жүзеге асуда, GPS-жүйесі арқылы диспетчерлік басқарудың автоматты жүйесі жұмыс істеуде, барлық автобустарға видеокамералар орнатылған, тасымалдаушыларды субсидиялауға қатысты жолаушылардын түскен шағым бойынша айыппұл салу жүйесі қолға алынды.

Қалада жол-көлік оқиғасына қатысты фото-видеофиксация жүйесі жұмыс істейді, 709 қозғалыс жолағы бақылауға алынған, келер жылдан бастап бақылау нүктелері екі есе артады.

Елбасы Нұрсұлтан Назарбаев Қазақстан халқына 2018 жылғы 10 қаңтардағы "Төртінші өнеркәсіптік революция жағдайындағы дамудың жаңа мүмкіндіктері" деп аталатын Жолдауында, құрылысқа және коммуналдық секторға заманауи технологияларды енгізу міндеттері бойынша бөлігінде атап өткендей, салынатын және салынған үйлер мен инфрақұрылымдық нысандарды интеллектуалды басқару жүйелерімен жабдықтау керек. Коммуникация мен стандарттау салаларын жаңа индустрияландыру талаптарына бейімдеп, ғимараттардың сапасына, экологиялық тазалығына және энергиялық тиімділігіне жоғары талап қою қажеттігін атап өткен болатын.

Көлік жүйесін реформалауда қала басшылығы үздік халықаралық мамандармен бірігіп жұмыс істеуде. Олардың арасында қоғамдық көлік кеңістігі мен көшелерді модернизациялаумен айналысатын "Gehl architects", "Тұрақты көлік" жобасы бойынша жұмыс істейтін ПРООН, көлік қозғалысының кешенді сызбасын жасайтын "A+S Транспроект", "Systra" компаниялары және Алматының шебер-жоспар концепциясын жасауға кіріскен канадалық- америкалық "HATCH" компаниясы бар.

Айта кетерлігі, "Smart city" форумы Люблянда 2011 жылдан бастап өтуде және Еуропа мен Азия қалаларымен ынтымақтастықты нығайтуға, "Ақылды қалалар" цифрлық транформациясын бірігіп жүзеге асыруға бағытталған.

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар