Алматы облысында газ жарылысынан төрт адам зардап шекті

Алматы облысында төрт адам газ-ауа қоспасының тұтануынан зардап шекті, деп хабарлайды BNews.kz. Аудандық ТЖД-де атап өткендей, төтенше оқиға 25 ақпанда шамамен сағат 17-де Қарасай ауданының Жандосов ауылында орын алған.

"Жертөледегі газ-ауа қоспасының таралуынан кейін өрт шыққан жоқ. Салдарынан 1-4 дәрежедегі термиялық күйікпен төрт адам ауруханаға жеткізілді", - деп хабарлады ТЖД ресми өкілі Азамат Жұртбаев.

Оқиға орнына Алматы облысы ТЖД "Өрт сөндіру және апаттық-құтқару жұмыстары" МБ қызметкерлері мен 1 техника бірлігі келді.

Аймақ құтқарушылары өз мүлкін қауіпсіз қалыпта ұстау жауапкершілігі үй иесіне жүктелетінін айтып, барлық тұрғындарды тиісті қауіпсіздік шараларын сақтауға шақырады.