Алматыда қалалықтар үшін «Open Almaty» қоғамдық қабылдауы ашылды - Жаңалықтар | BNews

Алматыда қалалықтар үшін «Open Almaty» қоғамдық қабылдауы ашылды

13 қыркүйек, 09:55 327 Алматы
 Алматыда қалалықтар үшін «Open Almaty» қоғамдық қабылдауы ашылды

«Open Almaty» – Алматы әкімдігінің түрлі өмірлік жағдайларды шешу және  тұрғындарға қызмет көрсету жөніндегі  жаңа жобасы. Қоғамдық қабылдауға келген әрбір жанға тиісті кеңес беріледі және олар әкімдікке, қала басқармаларына, прокуратураға, полицияға, мемлекеттік кіріс департаментіне және басқаларға жолданған өз өтініштерін қалдыра  алады, деп хабарлайды Вnews.kz.

Алматы әкімі Бауыржан Байбек қоғамдық қабылдауда болған кезінде жаңа сервистің мемлекеттік органдардың  жұмыс тиімділігін арттырумен қатар тұрғындар алдында  ашықтығын, есепті екенін көрсететінін атап өтті.

Жаңа сервис арқылы қаланың әрбір тұрғыны немесе қонағы түрлі қызметке қатысты өз ұсынысы мен шағымын қаланың қоғамдық қабылдауына www.open-almaty.kz  интернет- порталы немесе  1308 нөмірі бойынша жібере  алады. «Open Almaty» порталы бойынша түрлі өмірлік жағдайларды шешу алгоритмімен қоса қаланың  коммуналды қызмет көрсету орындарының (жол, арық, жылу жүйесін, аула және басқаларын жөндеу) жұмыстарымен танысып, байланыса алады.

Қоғамдық қабылдаудың фронт-офисінде қаланың барлық аудандарының, тұрғын үй, жұмыспен қамту  және әлеуметтік қызмет, жолаушылар көлігі, табиғи ресурстар мен архитектура басқармаларының, қалалық прокуратура, полиция, мемлекеттік кіріс  департаментінің, ТЖД-нің, ХҚКО-ның, кәсіпкерлердің Ұлттық палатасының өкілдері, медиаторлар қызмет көрсетеді.Басқармалар басшылары қоғамдық қабылдаулар  өткізіп, қалалық түрлі бастамаларды таныстыра алады.

Айта  кетерлігі, 2015 жылдың өзінде Алматы әкімдігі қалалықтарға қолайлы болу үшін Инстаграмда өз аккаунтын ашқан еді, 3 лүпілден соң өтінім тіркеліп, әкімдікке жіберілетін. 2 жыл ішінде Инстаграмдағы тұрақты аудитория 150 мың жазылушыға жетті, қалалықтардың 20 мың өтінімі орындалды.

Жаңа сервистің жұмыс кестесі қала тұрғындарының жұмыс уақытын ескере отырып жасалған, қызмет көрсету уақыттары жай күндері сағат 8.00 ден 20.00-ге дейін, сенбі күндері сағат 10.00 нан 17.00-ге дейін.

Қоғамдық көліктің жақын бекеттері: «Әуезов атындағы театр» (Абай даң) баратын автобустар 3,33,34,62,65,66,92,118,120,123,128 мен троллейбустар 5,19,25; «Қастеев мұражайы» (Сәтпаев көш.) – автобустар 18,35,121; «Орталық аурухана» (Жандосов көш.) - автобустар 18,44,62,66,95,121,123;метро бекеті – Әуезов атындағы театр.

Мекенжайы: Байзақов көшесі, 280 (Сәтпаев көшесінің бұрышы) «Алматы Тауэрс» орталығы.

 

Біздің Telegram-парақшамызда Қазақстанның маңызды жаңалықтары. Жазылыңыздар!

`

Серіктестер жаңалықтары