Алматыда жаңа автобус бағыттары ашылды - Жаңалықтар | BNews

Алматыда жаңа автобус бағыттары ашылды

12 қаңтар, 15:13 1653 Алматы
Алматыда жаңа автобус бағыттары ашылды

Алматыда көлік реформасын және қоғамдық көлік жүйесін тұрақтандыру аясында жылжымалы құрамды жаңалау және бағыттар желісін ұлғайту жұмыстары жүруде. Осыған орай, бүгін сыйымдылығы шағын автобустар қатынайтын жаңа екі №46 және №122 бағыттары ашылды, деп хабарлайды BNews.kz.

Жетісу ауданы тұрғындарының өтінімдері бойынша № 46 бағыты ашылды, көлік Первомайка ықшам ауданын, Әмбебап базарды, Құлагер елді мекенін, Жетісу аудандық әкімдігін, Белинский көшесін қамтып, «Алматы-1» теміржол вокзалына дейін барады. Бұл бағыт бойынша жылжымалы состватың 10 бірлігі қызмет көрсетеді, интервал арасы 10 минут. Болжамдағы жолаушылар легі - тәулігіне 3000 адам.

Алатау ауданындағы Рахат және Мәдениет елді мекендері тұрғындарын көлікпен қамту үшін бұрын бір ғана автобус қатынайтын №122 бағытына трассификация бойынша өзгеріс енгізілді, енді көлік мынадай бағытты қамтиды: Рахат, Мәдениет ықшам аудандары, №196 мектеп , М.Шоқай көшесі, Орталық, Саялы, авто ХҚКО, Ақын Сара көшесі, Б.Момышұлы көшесі, Универсиада көшесі , Алатау ауданының ХҚКО. Бүгіннен бастап бұл бағыт бойынша бес автобус жүреді, интервалы 20 минут.

Еске салсақ, бұрындары Алматыда көлікті реформалау аясында №22, 70, 86, 65, 103, 50, 126, 112 бағыттары бойынша жаңа автобустар жолға шығып, №77 бағыт қайта жаңарып, №201 магистральды бағыт ашылған еді.

Жалпы, көлікті реформалау аясында Алматыда биылғы жылы сыйымдылығы әртүрлі 388 автобус алынған болатын, олардың 210-ы бағыттар бойынша жолда жүр, 180 жаңа автобус ақпан айының соңына дейін кезеңмен бағыттарға шығады. Жеке тасымалдаушылар да 254 жаңа автобус алды, олардың 91 - і қала жолдарында қызмет көрсетуде.

Осыған дейін Алматыда Медеуге дейін жаңа автобустар жолға шыққаны туралы хабарлағанбыз.

Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас жаңалықтар

`

Серіктестер жаңалықтары