Асылжан Мамытбеков жаңа қызметке тағайындалды - Жаңалықтар | BNews

Асылжан Мамытбеков жаңа қызметке тағайындалды

30 қаңтар, 15:10 998 Астана
Асылжан Мамытбеков жаңа қызметке тағайындалды

Енді ол Қазақстанның ет одағы төрағасы қызметін атқарады.

Бұрынғы Ауыл шаруашылығы министрі Асылжан Мамытбеков Қазақстанның ет одағы төрағасы болып тағайындалды. Бұл туралы Үкімет үйіндегі баспасөз мәслихатында ҚР Ауыл шаруашылығы бірінші вице-министрі Арман Евниев айтты, деп хабарлайды BNews.kz Қазақпаратқа сілтеме жасап.

"Ол Қазақстанның ет одағының төрағасы болып тағайындалғаны туралы ақпарат бар. Біз қазіргі кезде барлық салалық одақтармен әрі бірлестіктермен тығыз жұмыстарды бастадық. Осы олрайда олармен бірлесе, салада қордаланған мәселелерді шешуге тырысудамыз", - деді Арман Евниев.

Оның сөзіне қарағанда, Ауыл шаруашылығы министрлігі жобалық кеңсені немесе ашық алаңды құруда. Оған сарапшылар мен бизнесмендер тартылады.

"Оның ішінде Асылжан Сарыбайұлы да бізге көмектесуде, бұл ретте ол өзінің кеңестерін береді", - деді ол.

Естеріңізге сала кетейік, Асылжан Мамытбеков министр лауазымында 2011 жылдың сәуірінен 2016 жылдың мамыры аралығында болды.

2016 жылдың мамыр айында ҚР Ауыл шаруашылығы министрі Асылжан Мамытбеков Жер кодексі жөніндегі жұмыста өз міндетін тиісінше атқара алмағаны үшін отставкаға кетті. 

Сол жылдың маусым айында Асылжан Мамытбеков Астана банкінің тәуелсіз директоры болып сайланды.

2017 жылғы желтоқсанның аяғында А. Мамытбеков "Астана Банкі" АҚ директорлар кеңесінен кетті.

Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас жаңалықтар

`

Серіктестер жаңалықтары