Астанада қалалық даму акселераторы құрылатын болады

21 қараша, 2018, 19:53 1585 Астана
Астанада қалалық даму акселераторы құрылатын болады

Қалалық даму акселераторының міндетіне қаланың жүйелі түйткілдерін шешумен қатар, дамудың стратегиялық көрсеткіштеріне қол жеткізу де жатады.

Елорда әкімдігі жанынан құрылатын қызметтің жаңа түрі қалалық iKomek мониторинг және жедел әрекет ету орталығы аясында көрсетіледі, деп хабарлайды BNews.kz Астана әкімдігінің ресми сайтына сілтеме жасап.

Қалалық даму акселераторы қала дамуының негізгі мәселелері бойынша қысқа мерзім ішінде – 100 күнде жұмыс тетіктерін жасап шығарып, оларды сынау үшін әкімдіктің басты қызметкерлерін, сырттан сарапшыларды, белсенді азаматтарды тарта отырып, әкімнің орынбасарлары мен әкім жетекшілік ететін штаб құруды көздейді. Қалалық даму акселераторының міндетіне қаланың жүйелі түйткілдерін шешумен қатар, дамудың стратегиялық көрсеткіштеріне (KPIs) қол жеткізу де жатады.

"Әрбір штабта сарапшылардан, атап айтқанда әкімдік, қоғамдық бірлестіктер өкілдерінен, белсенді тұрғындардан, ғалымдардан, кәсіпкерлер мен басқа да мүдделі тұлғалардан тұратын жұмыс тобы жұмыс істейді. Жұмыс тобы жобаны идеядан бастап, түбегейлі іске асырылғанша жоспарланған нәтижеге қол жеткізілгенше жетелейтін болады", - делінген хабарламада.

Мұндай даму акселераторлары Дубайда (БАӘ) мемлекеттік деңгейде жұмыс жасайды.

Қалалық даму акселераторын құру қысқа уақыт ішінде тиімді шешімдер әзірлеуге, жылдам нәтижелерге қол жеткізуге, сонымен қатар халықты қалалық түйткілдерді шешуге жұмылдыруға көмектеседі.

Жүйелі түйткілдерге мониторинг жасау құралдарының бірі – нақты уақыт тәртібіндегі қаланың жүйелі түйткілдері рейтингісінің панелі. Әрбір түйткілге қоса түйткілдің сипаттамасы, себебі және қаланың жүйелі түйткілдерінің пайда болуын азайтуға ұсынылатын шешімдер көрсетілген талдамалық анықтама беріледі. Бұл панель қалалық даму акселераторы зерттейтін қаланың жүйелі түйткілдері туралы дереккөздердің бірі болып табылады. Қаланың жүйелі түйткілдерінің рейтингісі елорда тұрғындарының барлық өтініштері базасының BIG DATA арқылы қалыптасады. Талдамалық үлгіге өтініштер мен жағдаяттардың қайталуы, өтініштегі мәселенің резонанстығы мен күрделілігі сияқты өлшемшарттар негіз болады. Қаланың жүйелі түйткілдері рейтингісінің панелі елордадағы түйткілді мәселелердің  жағдайын көрсетіп, автоматты түрде жаңарады.

Әрбір тұрғын жүйелі түйткілдер шешімін бастама етіп көтеріп, iKomek орталығына келесі тәсілдер арқылы жүгініп, елорданы жақсарта алады:

- Telegram чат-ботына хабарлама жіберуге болады: https://t.me/astanaikomek109_bot;

- әлеуметтік желілерде жарияланымдарды #astana109 хештегін белгілеу керек;

- елордалық әкімдік сайтындағы astana.gov.kz жеке кабинетте өтініш қалдыру керек;

- 109 нөміріне тегін қоңырау шалуға болады. 

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар