Астанада құлақтандыру жүйесі тексеріледі

21 қараша, 2018, 12:30 209 Астана
Астанада құлақтандыру жүйесі тексеріледі

Астана қаласы ТЖ департаменті қала тұрғындары мен қонақтарын сабырлық сақтап, үрейленбеуге шақырады.

Ертең, яғни 22 қарашада сағат 09:55-те Астана қаласы Төтенше жағдайлар департаменті электродабылдарды қосу және теле-радио арналардың хабар таратуын пайдалану арқылы қаладағы құлақтандыру жүйелерін тексереді, деп хабарлады елорда әкімдігінің ресми сайты ведомствоға сілтеме жасап.

Аталмыш тексеріс шаралары жоспарлы түрде жүргізіледі. Еске салайық, төтенше жағдай орын алған жағдайда немесе төтенше жағдайдың орын алуы мүмкін болған жағдайда электродабылдар немесе басқа да дабыл құралдары қосылады. Ол "Баршаңыздың назарына!" бірыңғай құлақтандыру дабылын білдіреді. Бұл дабылды естіген кезде тұрғындар міндетті түрде қолайлы ақпарат қабылдау құралдарын (теледидарлар, радиолар және т.б.) іс-әрекеттер туралы нұсқаулар мен ақпарат алуы үшін қосуы керек.

Астана қаласы ТЖ департаменті қала тұрғындары мен қонақтарын сабырлық сақтап, үрейленбеуге шақырады. 

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар