Астанада республикалық "Жасай бер, Тәуелсіз Қазақстан" байқауы өтуде

11 Декабря, 2018, 18:19 2595
Астанада республикалық "Жасай бер, Тәуелсіз Қазақстан" байқауы өтуде |  | BNews.kz

Оған 600-ге жуық еліміздің өнерлі, әрі дарынды балалары қатысуда.  

Астанада республикалық "Жасай бер, Тәуелсіз Қазақстан" байқауы декоративті-қолданбалы өнер және балалар бейнелеу өнері арасында өтуде, деп хабарлады елорда әкімдігінің ресми сайты. Байқау Қазақстан Республикасының Тәуелсіздік күніне арналған.

"Шараның негізгі мақсаты республикалық ауқымдағы шығармашылық байқауға қатысу арқылы оқушылардың бойындағы Отанға деген махаббатты, адамгершілікке, руханиятқа, патриотизмге, ұлттық мәдениетке деген құрметті тәрбиелеу, сонымен қатар талантты және дарынды балаларды анықтау, олардың өнерін дамытуға мүмкіндік беру", - делінген Оқушылар сарайы таратқан хабарламада.

Шығармашылық жарысты астаналық Білім басқармасы мен Оқушылар сарайы ұйымдастыруда. Жеңімпаздар кубокпен, дипломдармен және сертификаттармен марапатталады.

Рекомендуем
Димаш Құдайберген "The World's Best" шоуында америкалық тыңдармандарды таңдандырды 13932

Похожие новости