Астананың травматолог дәрігері көктайғақтан қалай қорғануға болатынын айтты

05 желтоқсан, 2018, 17:02 1718 Астана
Астананың травматолог дәрігері көктайғақтан қалай қорғануға болатынын айтты

Дәрігердің айтуынша, жарақат алған жағдайда қол, аяқ немесе дененің басқа да зақымданған бөлігін ұстауға болмайды.

Көктайғақ күндері жарақат алмас үшін қарапайым әрі дәлелденген қауіпсіздік шараларын сақтау қажет. Жарақат алу қаупін қалай азайтуға болады? Бұл туралы Астана қаласы қоғамдық денсаулық сақтау басқармасының штаттан тыс травматологы, №1 қалалық ауруханадағы жарақат орталығының жетекшісі Алексей Солод айтып берді, деп хабарлады елорда әкімдігінің ресми сайты. 

"Табан мен жілік-білезік буындарының жарақаттары көбіне көктайғақ кезінде орын алады. Жарақат алған жағдайда қол, аяқ немесе дененің басқа да зақымдалған бөлігінен ұстауға болмайды. Сіздің денсаулығыңызға түзетілмейтін зақым келуі мүмкін. Дәлірек айтқанда, мұндай әрекет сынықтың ауытқуына, қан тамырларының зақымдануына әкеліп соғуы мүмкін", – дейді Алексей Солод.

Алайда, зардап шегушіге алғашқы көмек міндетті түрде көрсетілуі тиіс. Осыған байланысты бірқатар арнайы әдіс бар. Мысалы, картон немесе ағаш шинамен жарақатты қатты қыспай, аяққа орау керек. Егер науқастың омыртқасы жарақаттанса, жедел жәрдем мамандарының көмегінсіз болмайды. Бұл жағдайда таксиге қоңырау шалудың қажеті жоқ. Себебі орындық жарақатты ушықтыруы мүмкін. Сондықтан арнайы зембілге салу маңызды. Ми жарақаттарында және ішкі органдардың зақымдалуы кезінде ауырсынуды басатын дәріні қабылдауға тыйым салынады. Себебі диагноз бен көгерудің салдарын анықтау қиынға соғады. Сондай-ақ, науқасты мүмкіндігінше аз мазалауға тырысыңыз. Ең бастысы жарақаттың кез келген түріне бірден жедел жәрдем тобын шақырыңыз. Өз бетімен жеткізуге болмайды.

"Көптеген жағдайларда жұлын сынықтары бар науқастар травматологияға жеткізіледі. Барлық аурухана жарақат дәрежесін анықтау үшін қажетті жабдықтар және құрылғылармен жабдықталмаған. "Алтын сағат" принципі бойынша, неғұрлым жедел көмек көрсетілсе, соғұрлым адамның өмірін сақтап қалуға болады", – деп жалғастырды Алексей Солод.

Зақым алғанда адам жарақаттың ауыр-жеңілдігін бірден түсінбеуі мүмкін. Сондықтан, бірінші кезекте, зардап шеккен жерге суық басып, тезірек жедел жәрдем бөлімшесіне баруы тиіс. Осылайша, сіз жарақаттың асқынуының алдын аласыз. 18 жасқа дейінгі балалар №2 қалалық ауруханаға, ересектер – теміржол ауруханасына, №1 қалалық ауруханаға және травматология және ортопедия бойынша ғылыми-зерттеу институтына жіберіледі. Дәрігер сондай-ақ, көктайғақтан сақтану жөнінде ұсыныстармен бөлісті.

"Тайғақ аяқ киім кимеңіз. Табаны тегіс болмауы керек. Көктайғақ жерлерден аулақ жүруге тырысыңыз. Аяқ киімге сырғымайтын жапсырма жабыстыру қажет. Сондай-ақ, арнайы тіреуіш бекітуді ұсынамын. Көктайғақтан басқаша жолмен құтыла алмайсыз. Жолды кесіп өткенде, жол ережелерін ұстану керек. Көптеген жарақаттар көшені кесіп өтумен байланысты. Сондықтан уақытты есептеп, баяу жүріп өтуге тырысыңыз", – деді Алексей Солод.

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар