Астананың жаңа "Байқоңыр" ауданының шекарасы белгілі болды - Жаңалықтар | BNews

Астананың жаңа "Байқоңыр" ауданының шекарасы белгілі болды

27 ақпан, 15:18 893 Астана
Астананың жаңа

Астана қалалық мәслихат депутаттары қаланың жаңа ауданы Байқоңырдың шекарасын бекітті. Оның ауданы 18,1 га, ал халқының саны 211 мың болады, деп хабарлайды BNews.kz Елорда Инфоға сілтеме жасап.

Елорданың жаңа ауданы – Байқоңырды құру туралы баяндаманы Астана әкімдігі аппаратының жетекшісі Берік Жакенов жасады.

"Елорда адамға қажетті 32 әлеуметтік стандарт бойынша 129 секторға бөлінеді. Мұны тиімді іске асыру үшін аудандық әкімдерге түсетін жүк пен артылатын сенім зор. Бүгінгі күн тәртібіндегі Байқоңыр ауданын құру мәселесі де осы тұрғыдан өзекті. Қазіргі күні ауданды құру бойынша құқықтық, қаржылық және өзге де ұйымдастырушылық жұмыстар жүргізілуде", - деді Берік Жакенов.

Белгілі болғандай, жаңа ауданның шекарасы Астана-Қостанай бағыты бойынша қатынайтын теміржолдан солтүстікке, қазіргі шекараға Ақбұлақ өзенін бойлай Қошқарбаев даңғылына, Қошқарбаев даңғылынан Сауда көшесіне дейін, Сауда көшесінен 184 көшесіне (жобалық атауы) дейін созылады. Одан әрі Ақбұлақ өзенінен Ақбұлақ және Есіл өзендерінің түйісетін жеріне дейін барады. Есіл өзенінен Қараөткел көпіріне дейін, Бараев көшесінен Республика даңғылына, Республика даңғылынан Бөгенбай батыр даңғылына дейін жетеді. Одан ары Бөгенбай батыр даңғылын бойлай Алаш тас жолына дейін, Алаш тасжолынан теміржолға дейін, теміржол бойымен қаланың батыс шекарасына дейінгі аумақты қамтиды.

"Аудан шекарасына ауданы 460 га құрайтын қалалық зират та кіреді. Нәтижесінде жаңа ауданның ауданы 18,1 мың гектарды құрайды. Ал тұрғындарының саны 211,1 мың адам болады", - деді аппарат жетекшісі.

Еске сала кетейік, Астана аудандарының жаңа шекаралары анықталған болатын. ҚР Үкіметінің "Қазақстан Республикасының елордасы – Астана қаласының аудандарының шекарасын белгілеу туралы" Қаулысының жобасы 17 ақпанда "Астана ақшамы" газетінде жарияланды.

Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас жаңалықтар

`

Серіктестер жаңалықтары