Бірінші кездесуге мен 100% дайын болмадым – Головкин Альвареспен жекпе-жегі туралы - Жаңалықтар | BNews

Бірінші кездесуге мен 100% дайын болмадым – Головкин Альвареспен жекпе-жегі туралы

27 ақпан, 12:49 817 Астана
Бірінші кездесуге мен 100% дайын болмадым – Головкин Альвареспен жекпе-жегі туралы

Сондай-ақ отандасымыз бірінші кездесуде неге аз соққы жасағанын айтты.

Орта салмақта WBA (Super), IBO, WBC және IBF тұжырымдары бойынша әлем чемпионы Геннадий Головкин (37-0-1, 33 КО) Yahoo! Sports порталының шолушысы Кевин Айолиге берген сұқбатында мексикалық Сауль "Канело" Альвареске (49-1-2, 34 КО) қарсы өткен бірінші кездесуге дайын болмағанын айтты, деп хабарлайды BNews.kz Vesti.kz-ке сілтеме жасап.

Екі боксшы өткен жылдың қыркүйек айында Лас-Вегастағы T-Mobile Arena спорт кешенінде кездесіп, 12 раундтың қорытындысы бойынша тең түскен болатын. Енді бұл боксшылар арасындағы екінші кездесу Лас-Вегаста 5 мамыр күні өтеді. 

"Бірінші кездесудің алдында "Канело" маған нағыз мексикалық стильдің қандай болатынын көрсететінін айтты. Бірақ оның орнына ол рингте қашып жүрді. Бұл мені шамалы таңғалдырды. Мүмкін мен әр раундқа дайын болмаған шығармын. Жекпе-жектің бірінші бөлігіне дайын болдым. Бірақ екінші бөлігіне дайын болмадым. Енді мен екінші бөлімінде көбірек драма мен экшн көрсететінімді білемін. Бірінші жекпе-жекке 100% дайын болмадым. Ал енді дайынмын. 

Не үшін бүйірден аз соққы жасадым дейсіз бе? Өйткені, "Канело" үнемі қимылдап, бір орында тұрмады. Мен де оның алдында тұрмадым. Оған соққымды өткізу қиын болды. 

Лас-Вегасқа қайта оралу мен үшін проблема емес. Себебі, бұл бокс. Ал мен боксшымын. Бірінші жекпе-жек есімде. Қазір өзімді жақсы сезініп жүрмін. Мен өзімді, өз командамды және мені қолдайтын адамдарды білемін. Бірінші кездесуде кімнің жеңгенін барлығы біледі", - дейді Геннадий Головкин. 

Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас жаңалықтар

`

Серіктестер жаңалықтары