Назарбаев Зырян қаласын Алтай деп қайта атау туралы Жарлыққа қол қойды

03 қаңтар, 2019, 18:32 3260
Назарбаев Зырян қаласын Алтай деп қайта атау туралы Жарлыққа қол қойды

Сондай-ақ, БҚО-да Бәйтерек ауданы пайда болды.

Нұрсұлтан Назарбаев Батыс Қазақстан облысының Зеленов ауданын Бәйтерек ауданы деп қайта атау туралы жарлыққа қол қойды, деп хабарлады Ақорданың баспасөз қызметі.

Мемлекет басшысы "Қазақстан Республикасының әкімшілік-аумақтық құрылысы туралы" 1993 жылғы 8 желтоқсандағы Қазақстан Республикасы Заңының 9-бабына сәйкес қаулы етті.

"Батыс Қазақстан облысының Зеленов ауданы Бәйтерек ауданы болып қайта аталсын", - делінген Ақорданың ресми хабарламасында. 

Сондай-ақ, Президент Шығыс Қазақстан облысының Зырян ауданын және Зырян қаласын Шығыс Қазақстан облысының Алтай ауданы және Алтай қаласы деп қайта атау туралы жарлыққа да қол қойды.

Нұрсұлтан Назарбаев "Қазақстан Республикасының әкімшілік-аумақтық құрылысы туралы" 1993 жылғы 8 желтоқсандағы Қазақстан Республикасы Заңының 9-бабына сәйкес қаулы етті.

"Шығыс Қазақстан облысының Зырян ауданы және Зырян қаласы  Шығыс Қазақстан облысының Алтай ауданы және Алтай қаласы деп қайта аталсын", - делінген хабарламада.

Осы Жарлықтар алғашқы ресми жарияланған күнінен бастап қолданысқа енгізіледі.

Біздің Telegram-парақшамыздаҚазақстанның маңызды жаңалықтары. Жазылыңыздар!

Астана #Нұрсұлтан Назарбаев #жарлық #қол қою

Читайте также

Похожие новости