Бокстан Олимпиада ойындарының екі дүркін күміс жүлдегері спорттық мансабын аяқтады

Написать нам
12 қараша, 2018, 19:57 2099 Астана
Бокстан Олимпиада ойындарының екі дүркін күміс жүлдегері спорттық мансабын аяқтады

Әділбек Ниязымбетовтің спорттан кетуіне қатысты ұлттық команданың бас бапкері Мырзағали Айтжанов түсініктеме берді.

Бокстан Олимпиада ойындарының екі дүркін күміс жүлдегері, Азия ойындарының чемпионы Әділбек Ниязымбетов спортпен қош айтысты, деп хабарлайды BNews.kz ҚР Ұлттық Олимпиада комитетінің баспасөз қызметіне сілтеме жасап.

Спортшының ұлттық құрама мен шаршы алаңнан кететіні туралы ақпар Ақтаудағы Қазақстан біріншілігі қарсаңында белгілі болды. 

"Әділбектің бұл шешімін жанкүйер дұрыс түсінеді деген ойдамын. Оған өкпе жоқ. Еліміздегі боксты дамытуға үлес қосып, әлемдік жарыстарда Қазақстан намысын абыроймен қорғады. Екі бірдей Олимпиаданың финалына жету кез келген спортшының қолынан келмейді. Оның Азия ойындарының чемпионы деген атағы да бар. Әділбекке тек сәттілік тілейміз", - дейді бас бапкер Мырзағали Айтжанов. 

Қазақстан біріншілігі аяқталған соң ұлттық құрама жасақталып, команданың жаңа капитаны сайланады. 

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар