Бүгін елімізде ауа райы құбылмалы болады - Жаңалықтар | BNews

Бүгін елімізде ауа райы құбылмалы болады

13 наурыз, 2018, 09:16 1144
Бүгін елімізде ауа райы құбылмалы болады

Қазақстанның басым бөлігінде тұман түсуі ықтимал. Кей жерлерде көктайғақ, бұрқасын, желдің күшеюі күтіледі.

13 наурызда атмосфералық ағындардың өтуіне байланысты Қазақстанның басым бөлігінде құбылмалы ауа райы сақталады, деп хабарлайды BNews.kz Қазгидрометтің баспасөз қызметіне сілтеме жасап.

Синоптиктердің болжауынша, кей жерлерде жауын-шашын түсіп, оңтүстіктің кей жерлерінде қатты нөсер жауады. Тек батыста күн райы ашық болады.

Еліміздің басым бөлігінде тұман түсуі ықтимал. Кей жерлерде көктайғақ, бұрқасын, желдің күшеюі күтіледі.

Шығыс Қазақстан облысының кей жерлерінде көктайғақ болады, жаяу бұрқасын соғып, желдің екпіні 15-20 м/с-ге күшеюі мүмкін.

Жамбыл, Оңтүстік Қазақстан, Ақмола, Қызылорда, Қарағанды облыстарының кей жерлерінде тұман түсіп, күндіз жел 15-20 м/с-ге күшейеді.

Сондай-ақ, Қызылорда, Жамбыл, Қарағанды облыстарының кей жерлерінде көктайғақ күтіледі.

Солтүстік Қазақстан, Павлодар, Маңғыстау облыстарының кей жерлерінде тұман болады. Ақтөбе облысының кей жерлерінде бұрқасын соғып, желдің жылдамдығы 18 м/с-ге жетеді.

Қостанай облысының кей жерлерінде тұман түсіп, жаяу бұрқасын соғады, желдің жылдамдығы 15-20 м/с-ге күшеюі күтіледі.

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар