Бүгін еліміздің басым бөлігінде тұман түсіп, көктайғақ болады

17 қазан, 2018, 09:17 2150
Бүгін еліміздің басым бөлігінде тұман түсіп, көктайғақ болады

Солтүстік Қазақстан облысының кей жерінде жел жылдамдығы 23-28 м/с дейін жетеді. 

17 қазанда еліміздің басым бөлігінде ауа райы тұрақсыз, жауын-шашынды болады, деп хабарлайды BNews.kz Қазгидрометке сілтеме жасап.

Қазақстанның оңтүстік-шығысында қатты жауын-шашын жауады, тек оңтүстік-шығыста күн ашық болады. Кей жерде жел күшейіп, тұман түседі, көктайғақ байқалады.

Aқмола облысының кей жерінде тұман, көктайғақ, жаяу бұрқасын болады, жел жылдамдығы 15-20 м/с, күндіз екпіні 25 м/с күшейеді.

Солтүстік Қазақстан облысының түнде кей жерінде, күндіз басым бөлігінде жел жылдамдығы 15-20 м/с, екпіні 23-28 м/с дейін жетеді, кей жерінде тұман түсіп, көктайғақ болады.

Қостанай облысында жел 15-20 м/с, күндіз екпіні кей жерде 23 м/с болады, кей жерде тұман түседі.

Жамбыл облысының кей жерінде тұман түсіп, көктайғақ болады, күндіз жел 15-20 м/с күшейеді.

Түркістан облысының кей жерінде жел 15-20 м/с болады, түнде тұман түседі.

Қызылорда облысының кей жерінде тұман түсіп, күндіз желдің жылдамдығы 15-20 м/с күшейеді.

Күндіз Aтырау облысының кей жерінде жел 15-20 м/с болады, түнде және таңертең тұман түседі.

Павлодар, Қарағанды облыстарының кей жерінде тұман, көктайғақ болады, жел 15-20 м/с күшейеді.

Шығыс Қазақстан облысының кей жерінде жел жылдамдығы 17-22 м/с дейін жетеді.

Біздің Telegram-парақшамызда Қазақстанның маңызды жаңалықтары. Жазылыңыздар!