Бүгін еліміздің кей жерінде найзағай ойнап, жаңбыр жауады, жел күшейіп, дауыл соғады - Жаңалықтар | BNews

Бүгін еліміздің кей жерінде найзағай ойнап, жаңбыр жауады, жел күшейіп, дауыл соғады

14 маусым, 09:16 2588
Бүгін еліміздің кей жерінде найзағай ойнап, жаңбыр жауады, жел күшейіп, дауыл соғады

Тек оңтүстік-батыста жауын-шашын болмайды.

Атмосфералық фронттардың өтуіне байланысты Қазақстан аумағында құбылмалы ауа райы сақталады. Тек оңтүстік-батыста жауын-шашын болмайды. Ал, синоптиктердің болжамына қарағанда, кей жерде найзағай ойнап, жаңбыр жауады, жел күшейіп, дауыл соғады, бұршақ жаууы мүмкін, оңтүстікте шаңды дауыл соғады, деп хабарлайды BNews.kz Қазгидрометке сілтеме жасап.

Атап айтқанда, Солтүстік Қазақстан облысының кей жерінде найзағай ойнап, дауыл тұрады, бұршақ жаууы мүмкін. Түнде кей жерде және күндіз басым бөлігінде 15-20 м/с күшпен жел соғады, екпіні 23-28 м/с жетуі ықтимал.

Жамбыл облысының кей жерінде найзағай ойнап, дауыл болады, бұршақ жаууы мүмкін. Желдің жылдамдығы 23 м/с күшейеді.

Оңтүстік Қазақстан, Павлодар облыстарының жекелеген жерлерінде найзағай ойнап, дауыл тұрады, бұршақ жаууы мүмкін, жел 15-20 м/с күшейеді. Оңтүстік Қазақстан облысында сондай-ақ шаңды дауыл соғады.

Ақмола, Шығыс Қазақстан облыстарының жекелеген аумақтарында найзағай ойнайды, күндіз желдің екпіні 15-20 м/с күшейеді.

Шығыс Қазақстан облысында күндіз бұршақ жаууы ықтимал.

Қызылорда, Қостанай облыстарының кей жерінде күндіз жел 15-20 м/с күшейіп, Қостанай облысында найзағай жарқылдайды.

Маңғыстау облысының басым бөлігінде, Атырау, Қызылорда, Оңтүстік Қазақстан облыстарының кей жерінде өте жоғары өрт қаупі сақталады.

Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас жаңалықтар

`

Серіктестер жаңалықтары