Дәрігерлер менингококк инфекциясынан сақтаудың жолдарын айтып берді

04 маусым, 2018, 17:07 3159 Астана
Дәрігерлер менингококк инфекциясынан сақтаудың жолдарын айтып берді

Инфекция ауа-тамшы жолы арқылы, яғни жөтелгенде, түшкіргенде, сөйлегенде жұғады.

Қазақстан Республикасы Денсаулық сақтау министрлігі менингококк инфекциясының алдын алу және оның алғашқы белгілері жөніндегі жадынамаларды таратты, деп хабарлайды BNews.kz елорда әкімдігінің ресми сайтына сілтеме жасап.

Менингококк инфекциясы – ауруды белгісіз тасымалдаушы, назофарингит (мұрын мен жұтқаншақтың қабынуы), менингит (ми қабықтарының қабынуы) және менингококк сепсисі (қанның зарарлануы) секілді түрлі клиникалық белгілері бар бактериялар қоздыратын жұқпалы ауру.

Инфекция ауа-тамшы жолы арқылы, яғни жөтелгенде, түшкіргенде, сөйлегенде жұғады.

Белгілері: бастың қатты ауруы, шөлдеу, құсу, дене қызуының көтерілуі, қалтырау, бозару, тәбеттің төмендеуі, бөртпе, әлсіздік, арқа және аяқ-қолдардың ауруы.

Аурудың алдын алу үшін мынадай ережелерді сақтаған жөн:

- аурудың алғашқы белгілері (тамақтың қызаруы, дене қызуының көтерілуі, бастың қатты ауруы, әлсіздік) пайда болған кезде дәрігерге көріну және басқа нұсқауларын орындау;

- түрлі мәдени-бұқаралық шараларға қатысуды, жүзу бассейндеріне баруды, ойын алаңдарына баруды шектеу, жеке тазалықты сақтау;

 - ғимараттарды жиі желдетіп, күн сайын ылғалды тазалау жұмыстарын жүргізу;

- созылмалы инфекция ошақтары ЛОР ағзаларын тазалау;

- тек қайнаған немесе бөтелкедегі суды ішу;

- мұздаудан, ашығудан, ұйқының қанбауынан, күйзелістен аулақ болу.

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар