Димаш Құдайберген "Әлем аруының" қазақстандық үміткеріне сәттілік тіледі

08 желтоқсан, 2018, 13:48 3449
Димаш Құдайберген

2018 жылғы "Әлем аруы" байқауы 8 желтоқсанда Қытайдың Санья қаласында 68-ші рет өткізіледі.

Қазақстандық танымал әнші Димаш Құдайберген өзінің Іnstagram-дағы парақшасында "Әлем аруы-2018" байқауында ел намысын қорғайтын қазақстандық ару Екатерина Дворецкаяға қолдау көрсетті, деп хабарлайды BNews.kz.

"Дайындықтамыз. Біздің сұлуға сәттілік тілеймін. Алға, Қазақстан", - деп жазды Димаш өзінің әлеуметтік желідегі парақшасында.

Айта кетейік, 2018 жылғы "Әлем аруы" байқауы бүгін Қытайдың Санья қаласында 68-ші рет өткізіледі. Аталмыш байқауда әлемнің 120 елінен арулар бақ сынайды. "Әлем аруы-2018" конкурсына еліміздің атынан Қазақстанның вице-аруы, қарағандылық Екатерина Дворецкая қатысады.

Бұған дейін Димаш Құдайберген "Әлем аруы-2018" халықаралық сұлулық байқауына өзінің суреті бейнеленген ұшақпен келетіні туралы хабарлаған болатынбыз. Димаш Құдайбергеннің атымен аталатын жолаушылар ұшағы Қытай елінің ішкі рейстерінде ұшады.

Біздің Telegram-парақшамыздаҚазақстанның маңызды жаңалықтары. Жазылыңыздар!

#Димаш Құдайбергенов #Әлем аруы #байқау #Қытай

Читайте также

Похожие новости