Димаштың америкалық шоуда көрсеткен өнерін қазақстандықтар 7 ақпанда көре алады

6 Февраля, 2019, 18:41 1896
Димаштың америкалық шоуда көрсеткен өнерін қазақстандықтар 7 ақпанда көре алады |  | BNews.kz

Шоу америкалық CBS телеарнасында көрсетіледі.

Димаш Құдайбергеннің Америкадағы "The World's Best" ("Әлемдегі үздіктер") шоуында көрсеткен өнерін қазақстандықтар 7 ақпан күні Астана уақытымен таңғы сағат 7:00-де көре алады, деп хабарлайды BNews.kz.

Қазір оның орындаған әнінің тизері YouTube-та жарияланған. Әнші "S.O.S d'un terrien en détresse" әнін орындаған.

"Ерекше дауыс ырғағы үйлескен әнші. Сен "The World's Best" шоуын құрудың себепкерісің", - деді қазылар алқасының бірі.

Шоу АҚШ-та 6 ақпан күні кешке Лос-Анджелес уақытымен 20:00-де көрсетіледі. Қазақстандық әншінің көрсеткен өнерін мына сілтеме бойынша көруге болады.

Сондай-ақ, сүйікті өнерпазға @theworldsbestcbs в Twitter ресми парақшасында онлайн түрде дауыс беруге болады.

"Сәрсенбі, 6 ақпанда Лос-Анджелес уақыты бойынша 20:00-де ЛЕМДЕГІ ҮЗДІКТЕР (...) атты дарындылар байқауының екінші бөлімінің көрсетілімі басталады. Қатысушыларға дауыс беру мүмкіндігі бар. Көрсетілім басталған уақыттан бастап Твиттер арқылы өзіңіздің сүйікті өнерпазыңызға дауыс беріңіз! Твиттерде @theworldsbestcbs парақшасын іздеңіз!", - деп жазды шоудың сарапшысы Гаухар Нұртас өзінің Instagram-дағы парақшасында.

The World's Best (Әлемдегі үздіктер) шоуы – дарынды адамдар туралы бағдарлама. Телебағдарламаның продюсерлері – Марк Бёрнетт пен Майк Дарнел. Қазылар алқасының қатарында актриса Дрю Бэрримор, Ру Пол, Фэйт Хилл және бүкіл әлем бойынша 50 сарапшы бар.

Рекомендуем
Димаш Құдайберген "The World's Best" шоуында америкалық тыңдармандарды таңдандырды 13927

Похожие новости