Елден көші-қон заңын бұзған 36 мыңнан аса адам шығарылды – ҚР ІІМ  

16 Апреля, 2018, 16:50 2417
Елден көші-қон заңын бұзған 36 мыңнан аса адам шығарылды – ҚР ІІМ   |  | BNews.kz

Жыл сайын шетелден келетін мигранттар саны артып келеді.

Соңғы үш жыл ішінде Қазақстанда көші-қон заңын бұзғаны үшін әкімшілік жауапкершілікке 30 мың шетелдік тартылды. Бұл туралы бүгін Мәжілісте "Қазақстан Республикасындағы көші-қон бақылауының жай-күйі және оны қамтамасыз ету жөніндегі шаралар туралы" тақырыбымен өткен Үкімет сағатында Парламент Мәжілісінің депутаты Нұрлан Әбдіров айтты, деп хабарлайды BNews.kz.

"ІІМ мәліметінше, соңғы 3 жылда әкімшілік жауапкершілікке 30 мың шетелдік тартылды. Елден көші-қон заңын бұзған 36 мыңнан аса адам шығарылды", - деді депутат Нұрлан Әбдіров.

Оның айтуынша, шетелдіктерге қатысты 3506 қылмыстық іс қозғалды, оның басым бөлігі ұрлық және есіркеге қатысты қылмыстар. 2,5 мыңнан астам шетелдіктің өзі қылмыс құрбанына айналған.

"Көші-қон қызметі тарапынан бақылаудың жеткіліксіздігі байқалып тұр. Заңсыз көші-қон мәселелерінің алдын алу үшін мемлекеттік органдар қызметінің  тиімділігін арттыру керек", - деп атап өтті депутат.

Нұрлан Әбдіров атап өткендей, ҚАзақстан Республикасы Ішкі істер министрлігі мен Ұлттық қауіпсіздік комитетінің шекаралық қызметі бірлесіп, өткізу бекеттерінде геометриялық жүйені енгізу маңызды, заңсыз көші-қонның алдын алып, мұны төлқұжат-визалық және басқа да құжаттардың қорғанысын күшейту арқылы жүзеге асырған дұрыс. Сондай-ақ, заңсыз мигранттарға қатысты тиімді механизмді енгізген жөн.

2015 жылдан бастап республикаға келетін шетелдіктер саны 20%-ға өскен. Тек өткен жылдың өзінде 5,5 млн шетелдік Қазақстанға келген. Ал ішкі істер органдарында олардың тек 2,5 миллионы ғана тіркелген.

Рекомендуем
Димаш Құдайберген "The World's Best" шоуында америкалық тыңдармандарды таңдандырды 13853

Похожие новости