Елорда әкімдігі ауа райына байланысты ескерту жариялады - Жаңалықтар | BNews

Елорда әкімдігі ауа райына байланысты ескерту жариялады

06 наурыз, 10:37 1006 Астана
Елорда әкімдігі ауа райына байланысты ескерту жариялады

Қазгидрометтің мәліметі бойынша 6 наурызда Астанада көшпелі бұлт шығып, күндіз қар аралас жаңбыр жауады, көктайғақ болады деп күтілуде. Бұл туралы Астана қаласы әкімдігінің сайты хабарлады. 

Оңтүстік-шығыстан оңтүстік-батысқа ауған желдің жылдамдығы таңертең 9-14 м/с, күндіз 15-20 м/с құрап, кейде оның екпіні 23-28 м/с-қа дейін жететін болады. Түнде сынап бағанасы - 4-6 градус аязды, күндіз -3-5 градус жылылықты көрсетеді деп болжануда. 

Сабақтың өткізілмейтіндігі жөніндегі шешім шығарылған жағдайда, ақпарат бекітілген алгоритмге сәйкес бірінші ауысымның оқушылары үшін сағат 06:15-те, екінші ауысымның оқушылары үшін сағат 12:00-де берілетін болады. 

Ақпарат Білім басқармасының ресми интернет-ресурсында (bilim.astana.kz ) және Facebook әлеуметтік желісіндегі  Астана қаласы Білім басқармасының парақшасында (https: //ww.facebook.com/bilimastana) жарияланып, мектептердің жетекшілеріне, БАҚ-на тартылады. 

Ауа райының қолайсыздығына байланысты құтқарушылар қызметтің күшейтілген режиміне көшеді. Елорда әкімдігі қала тұрғындары мен қонақтарын астаналық ТЖД-нің ұсыныстарын назарға алуды сұрайды:

- мұқият болыңыз, ауа-райының өзгеруі туралы ақпаратты және енгізілген шектеулерді жіті қадағалаңыз;

- желдің күшеюі кезінде ғимараттан шықпауға тырысыңыз; 

- балаларды ерекше бақылауға алыңыз және қараусыз қалдырмаңыз; 

- көшеде бағандардан, ағаштардан, жарнамалардан, ЭЖЖ және сымдардан алыс жүруге тырысыңыз. Егер қатты желде Сіз көшеде қалып қойсаңыз, ғимараттардың кіреберісін  және жер асты өтпе жолын паналаңыз; 

- жеке автокөлігіңізді ағаштар мен ескі құрылыстардан алыс қойыңыз. 

- балконыңызға тексеру жүргізіңіз. Балкон қабырғасына барлық жеңіл және көлемді заттарды жіппен бекітіңіз немесе бөлмеңізге кіргізіңіз. Әйнекті барынша сынудан қорғап, терезе жақтауларын бекітіңіз; 

- жылыту пештері мен тұрмыстық жылыту құрылғыларын қолдану кезінде өрт қауіпсіздігі ережелерін сақтаңыздар! 

Төтенше жағдай туындаған жағдайда "12" нөміріне қоңырау шалыңыз!

Ұқсас жаңалықтар