Елорда полицейлері автокөлік жүргізушілерін жолда барынша абай болуға шақырады

26 қараша, 2018, 15:14 1725 Астана
Елорда полицейлері автокөлік жүргізушілерін жолда барынша абай болуға шақырады

Жаяу жүргіншілерге де жолда барынша сақ болу қажеттігі ескертіледі.

Полиция департаменті қарды жинайтын техниканың жұмысына кедергі келтірмеу үшін көлік құралдарының жүргізушілерінен көліктерін жол бойына қоймауларын сұрайды, деп хабарлайды BNews.kz елорда әкімдігінің ресми сайтына сілтеме жасап.

Астана қаласы ПД-нің Жергілікті полиция қызметінің басқармасы жол қозғалысының қатысушыларына ауа райының қолайсыздығына байланысты Қазақстан Республикасының Жол қозғалысы ережелерінің талаптарын мүлтіксіз сақтау қажеттігі туралы ескертеді.

"Барлық жүргізушілерге мұқият болуға, қауіпсіз қашықтықты сақтауға, ауа райының қолайсыз жағдайына байланысты жылдамдық тәртібін асырмауға шақырамыз. Тіпті, жолдарда қар болмаған жағдайда да, қазіргі ауа райы жағдайында жол-көлік оқиғасына түсу қаупі бар", - деп ескертеді ЖПҚ.

Хабарламада жүргізушілерге доңғалақтарды қысқы шиналарға ауыстыру қажеттігі айтылған.

"Алайда оларға толық сенудің қажеті жоқ, себебі автомобильдің тоқтау жолы шамалы ғана қысқарады. Жаяу жүргіншілерге да сақ болу керек. Ол үшін жолды тек белгіленген орындарда ғана өту керек", - дейді ЖПҚ.

Бұдан басқа, тәртіп сақшылары көлік иелерінен қарды жинайтын техниканың жұмысына кедергі келтірмеу үшін көліктерін жол бойына қоймауларын сұрайды.

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар