Энергетика министрлігі аймақтарға көмір жеткізуді тұрақты бақылауға алды - Жаңалықтар | BNews

Энергетика министрлігі аймақтарға көмір жеткізуді тұрақты бақылауға алды

01 ақпан, 16:45 1628 Астана
Энергетика министрлігі аймақтарға көмір жеткізуді тұрақты бақылауға алды

Елімізде тұрғындарды көмірмен қамту жағдайы тұрақты.

Қазақстанның ешбір өңірінде қатты отынға қатысты тапшылық жоқ. Көмірге үлкен кезектер және жүк машиналарының таласуы жөніндегі таратылып жатқан видеолар фейк және қазіргі уақыттағы жағдайға сәйкес келмейді, деп хабарлады министрліктің баспасөз қызметі.

"ҚР Энергетика министрлігі облыс әкімдіктерімен және "Қазақстан Темір Жолы" ҰК АҚ-мен бірлесіп өңірлерге көмірді жеткізуге тәулік сайынғы мониторинг жүргізуде, бұл мәселе тұрақты бақылауда", - делінген хабарламада.

2017 жылы елімізде 106,7 млн. тонна көмір өндірілді, бұл 2016 жылғы көрсеткіштен 8,2 млн. тоннаға артық, экспортқа 29,3 млн. тонна көмір шығарылды. Қалған көмір ішкі қажеттілікке жұмсалды.

Осы орайда Қазақстанның энергия өндіруші ұйымдарына 56,3 млн. тонна, яғни 2016 жылмен салыстырғанда 7,1 млн. тоннаға артық көмір берілді.

Жедел деректерге сәйкес 30 қаңтарға дейінгі мерзімде өндірілген көмір көлемі 8,6 млн. тоннаны құрады.

Тұтынушыларға коммуналдық-тұрмыстық қажеттілікке 763,8 мың.тонна көмір жіберілді, яғни алдыңғы жылдың сәйкес кезеңімен салыстырғанда 72%.

"Қазақстан Темір Жолы" АҚ мәліметіне сәйкес 2018 жылдың 30 қаңтарына дейінгі мерзімде темір жол көлігімен коммуналдық-тұрмыстық қажеттілікке және халыққа 457,2 мың тонна көмір жөнелтілді. Автокөлікпен 300 мың тонна көмір түсірілді.

2018 жылғы 30 қаңтардағы жағдай бойынша ҚР Энергетика министрлігінің жедел мәліметтеріне сәйкес көмірдің қоры мен жеткізілуі облыстар бойынша төменде берілген:

Ақмола облысы – 85,9 мың тонна; Астана қ. – 17,2 мың тонна; Ақтөбе облысы – 2,1 мың тонна; Алматы облысы – 77,4 мың тонна; Алматы қ. – 6,8 мың тонна; Шығыс Қазақстан облысы – 114,7 мың тонна; Жамбыл облысы – 8,9 мың тонна; Қарағанды облысы – 53,0 мың тонна; Қостанай облысы – 24,3 мың тонна; Павлодар облысы – 9,8 мың тонна.

Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас жаңалықтар

`

Серіктестер жаңалықтары