Головкиннің келесі жекпе-жегінің мерзімі жарияланды

Написать нам
18 қазан, 2018, 10:32 3749
Головкиннің келесі жекпе-жегінің мерзімі жарияланды

Қазақстандық боксшы рингке 2019 жылдың көктемінде оралады.

Орта салмақта әлемнің бұрынғы чемпионы Геннадий Головкин карьерасындағы бірінші жеңілісінен кейін рингке 2019 жылдың көктемінде оралады. Бұл туралы қазақстандық боксшының промоутері Том Леффлер мәлімдеді, деп хабарлайды BNews.kz Vesti.kz-ке сілтеме жасап.

Том Леффлердің сөзінше, рингке Головкин наурызда немесе мамырда оралады. GGG-ге негізгі қарсылас ретінде орта салмақтағы WBA Regular титулының иегері Риота Мурата аталып отыр. Жапон оған дейін 20 қазанда Лас-Вегаста америкалық Роб Брантты жеңуі тиіс. Промоутер бұл кездесуге баратынын айтты. 

Чемпион жеңіске жеткен жағдайда Леффлер Муратаның промоутерлерімен Жапонияда кездесу өткізу туралы келісуге ниетті.

"Мурата Брантты демалыс күндері жеңсе, ол бізге қызықты нұсқа ретінде қарастырылады. Хонда мырзамен (Муратаның со-промоутері) және Top Rank-пен қарым-қатынасымыз жақсы. Бұл кездесуді ұйымдастыруға әбден болады. Геннадий әрқашан халықаралық деңгейде жұдырықтасуды қалады. Головкиннің бұл кездесуге не тігетінін және Муратаның Жапонияда қандай жоғары рейтингтерге қол жеткізіп жүргенін білеміз, ол өте танымал", - деді Том Леффлер. 

15 қыркүйекте Лас-Вегаста өткен кездесуде Головкин төрешілердің шешімімен мексикалық Сауль "Канело" Альвареске есе жіберіп, орта салмақтағы WBC, WBA (Super) және IBO титулдарынан айырылған болатын. Бұл қазақстандықтың алғашқы жеңілісі.

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар