ХҚКО-лардағы жаңа үлгі бойынша азаматтар қызметтерді өз бетінше алады

15 Января, 2019, 11:48 1980
ХҚКО-лардағы жаңа үлгі бойынша азаматтар қызметтерді өз бетінше алады |  | BNews.kz

2019 жылы еліміздегі 150-ден астам ХҚКО трансформацияланады.

"Азаматтарға арналған үкімет" мемлекеттік корпорациясы" КЕАҚ 2019 жылы еліміздегі халыққа қызмет көрсету орталықтарының 46%-ы, яғни мемлекеттік қызмет көрсетіп жатқан 152 фронт-офис қызметін трансформацияламақ, деп хабарлады мемлекеттік корпорацияның баспасөз қызметі.

Бүгінде республика бойынша халыққа қызмет көрсетуші 326 фронт-офис бар. Азаматтардың электрондық қызметтерді пайдалану деңгейін арттыру мақсатында мемлекеттік корпорация 60/40 жаңа қағидатына сәйкес, фронт-офистерде кеңауқымды трансформациялауды бастады.     

"60/40 қағидаты фронт-офистегі жұмыс аймағының 40% қызмет көрсететін операторларға тиесілі екенін, ал азаматтардың қызметтерді өз бетінше алу аймағы – Connection point пен қоғамдық қолжетімді пункттердің үлесі 60% жететінін меңзейді. Осылайша, біз болашақта қызмет алушылардың осы принцип бойынша анықтамалар мен басқа да керекті құжаттарды өздігінен алуын қамтамасыз етпекпіз", - дейді "Азаматтарға арналған үкімет" мемлекеттік корпорациясының басқарма төрағасы Аблайхан Оспанов. 

Аталған қағидат бойынша елімізде бүгінде 174 фронт-офис қызмет етеді. Нәтижесінде азаматтардың 2018 жылы өз бетінше алған қызметтерінің саны 2017 жылмен салыстырғанда 2 миллионға артып, 12 миллионды құрады. Бұл көрсеткіштің өсуіне электрондық үкімет порталында жұмыс істеу және электрондық қызметтерді пайдалану дағдыларына 8 млн астам азаматтың үйретілуі де әсер еткен.

Айта кетейік, "Азаматтарға арналған үкімет" мемлекеттік корпорациясы арқылы 2018 жылы 31,9 млн қызмет көрсетілді, оның 16 млн электрондық форматта.

olshem.kz

Рекомендуем
Димаш Құдайберген "The World's Best" шоуында америкалық тыңдармандарды таңдандырды 13981

Похожие новости