Исекешев Елбасына Астананың 20 жылдығын мерекелеуге дайындық барысы жөнінде мәлімдеді - Жаңалықтар | BNews

Исекешев Елбасына Астананың 20 жылдығын мерекелеуге дайындық барысы жөнінде мәлімдеді

13 ақпан, 16:24 821 Астана
Исекешев Елбасына Астананың 20 жылдығын мерекелеуге дайындық барысы жөнінде мәлімдеді

Мемлекет басшысы елордада салынған бірқатар әлеуметтік нысанның құрылысына қатысты жұмыстарды оң бағалады.

Кездесуде Қазақстан Президентіне елорданың әлеуметтік-экономикалық дамуы және Астананың 20 жылдығын мерекелеуге дайындық барысы жөнінде мәлімделді, деп хабарлайды BNews.kz Ақорданың баспасөз қызметіне сілтеме жасап.

"2017 жылдың қорытындысы бойынша қаланың әлеуметтік-экономикалық даму көрсеткіші 2 есеге жуық артты. Өнеркәсіп 7 пайызға өсті. Соңғы бес жыл ішінде 46 индустриалдық жоба бір триллион теңге кіріс әкелді", - деді Әсет Исекешев.

Сондай-ақ, Нұрсұлтан Назарбаевқа негізгі капиталға тартылған жеке инвестициялар көлемі ұлғайып, есепті кезең ішінде оның үлесі 70 пайыз болғаны туралы баяндалды.

"Өткен жылы 2,4 миллион шаршы метр тұрғын үй салынып, рекордтық көрсеткішке қол жеткізілген еді. Біз қазір жеке инвесторлар мен ұлттық компаниялар есебінен қаланың төрт ауданында құрылыс жұмыстарын жүргізіп жатырмыз", - деді Астана қаласының әкімі.

Ә.Исекешев Нұрсұлтан Назарбаевқа елордадағы инфрақұрылымдық жобалардың іске асырылу барысы мен Астана маңында жаңа жолдар салу жоспары жөнінде мәлімдеді.

Мемлекет басшысы елордада басқа өңірлердің әкімдіктерімен бірлесіп салынған бірқатар әлеуметтік нысанның құрылысына қатысты жұмыстарды оң бағалады.

Қазақстан Президенті кездесу соңында нақты тапсырмалар берді.

Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас жаңалықтар

`

Серіктестер жаңалықтары