Қайрат Қожамжаров Дзюдо федерациясының президенті болды

23 қазан, 2018, 18:22 1625 Астана
Қайрат Қожамжаров Дзюдо федерациясының президенті болды

Ол өзінің кәсіби тәжірибесі Қазақстан дзюдо федерациясының әрі қарай дамуына септігін тигізетініне сенім білдірді.

Бүгін Астанада Қазақстан Республикасы дзюдо федерациясының кезектен тыс конференциясы өтті. Конференция барысында Қазақстан дзюдо федерациясының президенті болып Қожамжаров Қайрат Пернешұлы сайланды, деп хабарлайды BNews.kz ұйымның баспасөз қызметіне сілтеме жасап.

Конференцияға ҚР Мәдениет және спорт министрі Арыстанбек Мұхамедиұлы, ҚР Ұлттық Олимпиада комитетінің бас хатшысы Данияр Абулғазин, Спорттық жекпе-жек және күш қолданылатын спорт түрлері Конфедерациясының бас директоры Рамазанов Елдос Мұратұлы, ҚР Дзюдо федерациясының даму жөніндегі директоры Асхат Житкеев, 2016 жылғы Рио Олимпиадасының күміс жүлдегері, Әлем чемпионы Елдос Сметов, Дзюдодан әлем чемпионы Максим Раков, Әлем чемпионатының күміс жүлдегері Азамат Мұқанов, дзюдодан ҚР ұлттық құрама командасының бас бапкері Айдын Смағұлов, жасөспірімдер Олимпиадасының жеңімпазы Бекарыс Сәдуақас, жасөспірімдер Олимпиадасының күміс жүлдегері Маргарита Гриценко қатысты.

"Құрметті конференцияға қатысушылар, дзюдо федерациясын басқару – мен үшін үлкен мәртебе. Маған сенім артқандарыңызға алғыс айтамын! Дзюдо елімізде танымал және дамыған спорт түрі екені анық. Менің кәсіби тәжірибем Қазақстан дзюдо федерациясының әрі қарай дамуына септігін тигізеді деп ойлаймын", - деді Қайрат Қожамжаров.

Жиын соңында жасөспірімдер Олимпиадасының чемпионы Бекарыс Сәдуақас пен жасөспірімдер Олимпиадасының күміс жүлдегері Маргарита Гриценко Дзюдо федерциясының президентіне құрмет ретінде кимоно сыйлады.

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар