Қазақстан мен Грузия арасындағы өзара ықпалдастық тереңдей түсті - Жаңалықтар | BNews

Қазақстан мен Грузия арасындағы өзара ықпалдастық тереңдей түсті

16 мамыр, 2018, 16:54 2436 Астана
Қазақстан мен Грузия арасындағы өзара ықпалдастық тереңдей түсті

Бүгін Парламент Мәжілісінің төрағасы Нұрлан Нығматулин Грузияның вице Премьер-министрі, Сыртқы істер министрі Михеил Джанелидземен кездесті.

Тараптар екіжақты қарым-қатынасты нығайтудың, соның ішінде сауда-экономкалық, мәдени-гуманитарлық, халықаралық байланысты дамытудың өзекті сұрақтарын талқылады, деп хабарлайды BNews.kz.

Парламент Мәжілісі баспасөз қызметінің хабарлауынша, халықаралық ынтымақтастық төңірегінде Қазақстан Президенті Нұрсұлтан Назарбаевтың халықаралық жағдайларды реттеуде елдер арасындағы өзара сенім мен сындарлы үнқатысуға айрықша назар аударатынын алға тарта келіп, Мәжіліс Спикері біздің мемлекеттеріміздің осы саладағы ұстанымдарының өте жақын екенін еске салады.

Осы ретте Мәжіліс төрағасы Қазақстан Президентінің БҰҰ аясында халықаралық лаңкестік пен экстремизмге қарсы іс-қимылдың бірыңғай әлемдік жүйесін құру туралы бастамасының маңыздылығына тоқталды.

Нұрлан Нығматулин атап өткендей, Қазақстан Грузиямен жан-жақты әріптестікті нығайтуға ерекше мән береді. Өткен жылы екі ел арасында дипломатиялық қатынастың орнағанына 25 жыл толды. Осы уақыттарда өзара сыйластық пен сенім негізінде арадағы ықпалдастық тереңдей түсті. Өз кезегінде мәртебелі мейман Қазақстанның ішкі және сыртқы саясатындағы тұрақтылық пен таңданаралық қарқынды дамуы тек аймақтағы елдер емес, әлем елдеріне үлгі екенін жеткізді. Жүздесу барысында парламентаралық ықпалдастықты нығайтуға да зор көңіл бөлінді. Мәжіліс төрағасы осы орайда ынтымақтастық жөніндегі топтар жұмысын күшейтуге назар аударды. Айта кетейік, биылғы жылы, қазан айында Грузияда маңызды саяси науқан – Президент сайлауы өтеді.

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар