Қазақстан мен Өзбекстан Қауіпсіздік кеңестері арасында кеңейтілген жоспарлы консультациялар өтті

27 қазан, 2018, 11:27 2676 Шымкент
Қазақстан мен Өзбекстан Қауіпсіздік кеңестері арасында кеңейтілген жоспарлы консультациялар өтті

Тараптар Орталық Азиядағы өңірлік ынтымақтастықтың және халықаралық ұйымдардағы өзара іс-қимылдың қазіргі ахуалы мен даму перспективаларын талқыланды.

Қазақстан Республикасы Президентінің көмекшісі – Қауіпсіздік кеңесінің хатшысы Ғабит Байжановтың және Өзбекстан Республикасының Президенті жанындағы Қауіпсіздік кеңесінің хатшысы Виктор Махмудовтың тең төрағалығымен өткен келіссөздер барысында қауіпсіздікті қамтамасыз ету саласындағы өзекті мәселелер қаралды, деп хабарлайды BNews.kz Ақорданың ресми сайтына сілтеме жасап.

Сондай-ақ, басқосуға орталық мемлекеттік органдардың басшылары да қатысты.

Орталық Азиядағы өңірлік ынтымақтастықтың және халықаралық ұйымдардағы өзара іс-қимылдың қазіргі ахуалы мен даму перспективалары талқыланды.

Сонымен қатар, терроризм мен діни экстремизмге қарсы тұру, ақпараттық және кибер қауіпсіздікті қамтамасыз ету салаларындағы, сондай-ақ сотталған азаматтарды жазасын өз мемлекеттерінде өтеу үшін беру мәселесі жөніндегі өзара ықпалдастық аспектілері күн тәртібіне қойылды.  

Кездесу барысында тараптар Су қатынастары саласына қатысты ынтымақтастық мәселелері жөніндегі жол картасы тармақтарының орындалуының алдын ала нәтижелерін қарады.

Жұмыс қорытындысы бойынша екі елдің тиісті мемлекеттік органдарына нақты тапсырмалар берілді.

Қауіпсіздік кеңестерінің аппараттары арасындағы консультациялар Қазақстан мен Өзбекстан басшыларының тапсырмаларына сәйкес тұрақты өткізіледі.

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар