Қазақстан Президенті АЭФ-ке қатысуға келгені үшін Олландқа ризашылық білдірді - Жаңалықтар | BNews

Қазақстан Президенті АЭФ-ке қатысуға келгені үшін Олландқа ризашылық білдірді

17 мамыр, 17:06 3164 Астана
Қазақстан Президенті АЭФ-ке қатысуға келгені үшін Олландқа ризашылық білдірді

Қазақстан мен Франция арасындағы байланыстар, соның ішінде "жасыл" технологиялар саласындағы ықпалдастық нығайып келеді.

Мемлекет басшысы Францияның бұрынғы Президенті, Франция Конституциялық Кеңесінің мүшесі Франсуа Олландпен кездесті, деп хабарлайды BNews.kz Ақорданың баспасөз қызметіне сілтеме жасап.

Нұрсұлтан Назарбаев Астана экономикалық форумына қатысуға келгені үшін Франсуа Олландқа ризашылық білдірді.

"Сіз Президент кезіңізде біздің елде ресми сапармен болған едіңіз. Соның нәтижесінде ынтымақтастығымызды дамыту үшін жақсы жағдай жасадық", – деді Қазақстан Президенті.

Мемлекет басшысы қазіргі уақытта Қазақстан мен Франция арасындағы байланыстар, соның ішінде "жасыл" технологиялар саласындағы ықпалдастық нығайып келе жатқанын айтты.

Нұрсұлтан Назарбаев баламалы энергетиканы дамыту үшін Қазақстан тарапынан атқарылып жатқан жұмыстар, соның ішінде "ЭКСПО-2017" кешенінің базасында құрылатын "Жасыл" экономика орталығы жөнінде әңгімеледі.

Франсуа Олланд кездесуге мүмкіндік бергені үшін Нұрсұлтан Назарбаевқа алғыс білдіріп, Қазақстан Президентінің мемлекетаралық байланыстарды нығайтуға зор үлес қосқанын атап өтті.

Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас жаңалықтар

`

Серіктестер жаңалықтары