Қазақстандағы орташа  жалақы мөлшері белгілі болды

31 шілде, 2018, 18:19 2332 Астана
Қазақстандағы орташа  жалақы мөлшері белгілі болды

2018 жылғы екінші тоқсанда бір қызметкердің орташа айлық жалақысы 162 751 теңгені құрады.

Атаулы жалақы индексі өткен жылғы тиісті тоқсанына 108,5%, ал нақты жалақы индексі 102,2% құрады, деп хабарлайды BNews.kz ҚР Ұлттық экономика министрлігінің ресми сайтына сілтеме жасап.

Салалық құрылымда ең үлкен атаулы жалақы қаржы және сақтандыру қызметінде – 335,3 мың теңге  (орташа республикалық деңгейден 2,1 есеге асты), кәсіби, ғылыми және техникалық қызметте – 273,2 мың теңге (1,7 есеге асты), өнеркәсіп саласында – 224,7 мың теңге (1,4 есеге асты), ақпарат және байланыс саласында – 238,4 мың теңге (1,5 есеге асты), құрылыс саласында – 212,8 мың теңге (1,3 есеге асты) белгіленді. Ең төменгі атаулы жалақы ауыл, орман және балық шаруашылығы қызметкерлерінде белгіленді – 93,7 мың теңге, бұл республика бойынша орта көрсеткіштен 42,4%-ға төмен.

Өңірлік бөліністе ең жоғарғы жалақы Атырау облысында белгіленді – 291,3 мың теңге, бұл орташа республикалық көрсеткіштен шамамен 1,8 есеге асады. Жамбыл облысында мұның шамасы 111,2 мың теңгені құрады, бұл ел бойынша орташа деңгейден 31,7%-ға төмен.

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар