Қазақстаннан Қытайға экспортталатын ауыл шаруашылығы өнімдерінің саны ұлғаяды

Написать нам
07 қараша, 2018, 17:26 4049
Қазақстаннан Қытайға экспортталатын ауыл шаруашылығы өнімдерінің саны ұлғаяды

Алдағы екі жылда оның саны 20-дан асады деп болжануда.

ҚР Премьер-министрінің орынбасары - Ауыл шаруашылығы министрі Өмірзақ Шөкеевтің Қытай Халық Республикасына жасаған сапары барысында Қытайдың Бас кеден басқармасының төрағасымен келесі 2 жылда, 2019-2020 жылдарға Қытайға экспорттайтын 20 жаңа ауыл шаруашылығы өнімдерінің түрлері туралы Жол картасына қол қойылды, деп хабарлайды BNews.kz Ауыл шаруашылығы министрлігінің баспасөз қызметіне сілтеме жасап.
Бүгінгі таңда 13 тауар түрі бойынша 13 хаттамаға қол қойылды, тағы үш хаттама ҚР Премьер-министрінің ҚХР-ға ресми сапары кезінде қол қоюға келісілді.

Жол картасына қол қойылған жаңа 20 хаттамаға құс шаруашылығы өнімдері, жылқы еті және шошқа еті өнімдері енген. Өсімдік шаруашылығы өнімдерінен жаңа Жол картасына рапс, сафлор, қарақұмық, бұршақ, нут, күнжут, көкөніс пен жемістердің кейбір түрлері, жаңғақтар мен пісте, тоңазытылған ет түрлері, соның ішінде салқындатылған қой еті кірді.

Сапар барысында қазақстандық делегация 130-дан астам ел мен ұлтаралық компаниялар қатысатын импорттық тауарлардың халықаралық көрмесінде болды. Қазақстан Республикасы ұлттық павильонында 30-дан астам компания ұсынылған, олардың негізгі бөлігі азық-түлік өндірушілер болып табылады.

“CHINA INTERNATIONAL IMPORT EXPO” көрмесі кезінде Өмірзақ Шөкеев “сауда және инновациялар” Форумына қатысып, халықаралық көрме қонақтарының алдында баяндама жасап, Қазақстанның ауыл шаруашылығына инвестициялаудың артықшылықтары туралы айтып берді.
Сонымен қатар, “сауда және инновациялар” форумында көрменің Ұлттық делегацияларының басшылары – Еуроодақ елдерінің премьер-министрлері және министрлері, экономикалық ынтымақтастық және даму ұйымының (ЭЫДҰ) басшылығы, сондай-ақ Microsoft Билл Гейтс және AliBaba Джек Ма негізін қалаушы атақты сарапшылар сөз сөйледі.

Көрме барысында Қазақстан Республикасы Ауыл шаруашылығы министрлігінің, "ҚазАгро" АҚ басшылығының және облыстық әкімдіктердің өкілдерінің қатысуымен Қытай мен Қазақстанның іскер топтарының екіжақты кездесулері өтті.
B2B форматындағы кездесулер барысында Павлодар облысындағы қант зауытын салу мәселелерін әзірлеу жөнінде келісімдерге қол жеткізілді. Ол үшін жақын арада Қазақстанға 3 ірі қытайлық компания өкілдері келеді.
Сонымен қатар, “Qazaq capital partners” мен “Wudeli Flour Group Co. LTD ” арасында Астана қаласында астық өңдеу және кеспе өндіру зауытын салу туралы Меморандумға қол қойылды.
Қытай компанияларының өкілдері Қазақстанның ауыл шаруашылығы саласына үлкен қызығушылық танытып, одан әрі машина жасау, ет өңдеу, жемшөп өндірісі, логистика, сондай-ақ ауыл шаруашылығы тауар өндірушілерінің сауда және маркетинг салаларына инвестиция салуды жоспарлап отыр

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар


Материалды әзірлегендер: