Қызылорда облысында мемлекеттік-жекешелік әріптестік аясында екі спорт кешені ашылды

19 қараша, 2018, 13:20 1560
Қызылорда облысында мемлекеттік-жекешелік әріптестік аясында екі спорт кешені ашылды

Екі жыл ішінде аймақта 16 спорт  ғимараты іске қосылды, оның тоғызы МЖӘ бойынша және жетеуі облыстық бюджет есебінен салынды. 

Жаңақорған ауданының Сүттіқұдық ауылдық округінде және Шиелі ауданының Гигант ауылында жаңа спорттық-сауықтыру кешендері салынды, деп хабарлайды BNews.kz облыс әкімдігінің баспасөз қызметіне сілтеме жасап. 

Жаңақорған ауданында 150 орындық спорттық-сауықтыру кешенінің ашылу рәсімі өтті.

Жаңа спорт кешенінде 13 адам жұмыспен қамтамасыз етілді. Мұнда еркін күрес пен әйелдер күресі, тоғызқұмалақ, бокс, гандболдан жаттығулар өткізіледі.

Осы күні Шиелі ауданы Гигант ауылдық округінде де "Бастау" жастар сауықтыру кешені пайдалануға берілді.

"Денi сау ұрпақ - ел болашағының кепiлi. Елбасымыздың дәстүрлi Жолдауларында бұқаралық спортқа, салауатты өмiр салтын қалыптастыруға басымдық берiлiп келедi. Бұл күн барша спорт сүйер қауым үшін, оның ішінде жастар үшін ең қуанышты күннің бірі деп есептеймін. Өйткені, ауданда алғаш рет жабық жүзу бассейні ашылуда", - деді аймақ басшысы Қырымбек Көшербаев.

Айта кетейік, екі жыл ішінде аймақта 16 спорт  ғимараты іске қосылды, оның тоғызы МЖӘ бойынша және жетеуі облыстық бюджет есебінен салынды. 

Бүгінде Қызылорда облысында мемлекеттік-жекеменшік әріптестік аясында құны  34 млрд. теңге болатын 75 жоба жүзеге асырылуда, олар - денсаулық сақтау, спорт, білім беру, цифрландыру және тұрғынүй коммуналдық кешенін жаңғырту саласындағы жобалар болып табылады.

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар