Қызылордада заңсыз қоян аулаған 4 азамат ұсталды

22 қараша, 2017, 17:30 818 Қызылорда облысы
Қызылордада заңсыз қоян аулаған 4 азамат ұсталды

Күдіктілер «Қызылорда-Жезқазған» тас жолының 12-шақырымында 54 дана қоянның өлі денесін өз автокөліктерінде тасымалдап келе жатқанда ұсталған, деп хабарлайды BNews.kz.

Кеше таңғы сағат 09.00 шамасында Қызылорда облысы ІІД Жергілікті полиция қызметі жол-патрульдік полиция ротасының қызметкерлері экологиялық қылмыстарға қарсы жедел жұмыстарды жүргізу барысында «Қызылорда-Жезқазған» тас жолының 12-шақырымында 54 дана қоянның өлі денесін өз автокөліктерінде тасымалдап келе жатқан 26, 41, 62, 63 жастағы 4 азаматты ұстады.

Тексеріс жүргізу барысында автокөліктің жүксалғышынан 3 дана аңшы мылтығы заттай дәлелдеме ретінде алынды.

Аталған дерек сотқа дейінгі тергеп-тексерудің бірыңғай тізіліміне  Қазақстан Республикасы Қылмыстық кодексінің 337-бабымен тіркелді. Қазіргі таңда сотқа дейінгі тергеп-тексеру амалдары жүргізілуде. 

Егер де ұсталғандардың қылмыстық әрекеті дәлелденсе, күдіктілерді белгiлi бiр лауазымдарды атқару немесе қызметпен айналысу құқығынан бір жылға дейiнгi мерзiмге айыра отырып, оларға үш жүз айлық есептiк көрсеткiшке дейiнгi мөлшерде айыппұл салынуы, не сол мөлшерде түзеу жұмыстарына немесе екі жүз қырық сағатқа дейінгі мерзімге қоғамдық жұмыстарға тартылуы, не болмаса жетпіс бес тәулікке дейінгі мерзімге қамаққа алынуы мүмкін.

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар