Көші-қон саласындағы артық кедергілерден арылу керек – Божко - Жаңалықтар | BNews

Көші-қон саласындағы артық кедергілерден арылу керек – Божко

16 сәуір, 2018, 12:23 1826 Астана
Көші-қон саласындағы артық кедергілерден арылу керек – Божко

Көші-қон саласында артық кедергілерден арылуды жалғастыру керек деп санайды Мәжіліс вице-спикері Владимир Божко.

Мәжілісте өткен "Қазақстан Республикасындағы көші-қон бақылауының жай-күйі және оны қамтамасыз ету жөніндегі шаралар туралы" тақырыбымен өткен Үкімет сағатында Мәжіліс төрағасының орынбасары Владимир Божко Ауғаныстан азаматтары оралман қазақтар мәртебесін алғысы келгенін, олардың басым бөлігі қазір іздеуде екенін айтты, деп хабарлайды BNews.kz.

"Халықаралық жағдай мен көші-қон ағымының ұлғаюы Қазақстан Республикасы Сыртқы істер министрлігінің құрылымына қосымша жауапкершілікті жүктейді. Үкімет сағатында келтірілген материалдар, тұрақты көші-қон саласындағы артық кедергілерден арылу керектігін көрсетеді. Сондай-ақ, Қазақстан аумағындағы заңсыз көші-қонды ұйымдастырумен айналысатын тұлғаларды және заң бұзушылардың өздерін анықтау қажет. Көрсеткіштер алаңдаушылық тудырмауы мүмкін емес. Ауғаныстанның 49 азаматы оралман қазақ мәртебесін алғысы келген. Олардың басым бөлігі қазір іздеуде", - деді Владимир Божко.

Оның айтуынша, Бангладеш Республикасының және Ауғаныстан тұрғындары біздің ел аумағы арқылы Еуропаға өтіп кетуді жоспарлайтын көрінеді.  

"Екі трансұлттық қылмыстық топ, тіркелген 85 қазақстандық компания арқылы Қазақстанға заңсыз түрде Қытай халық Республикасынан жаппай астыртын кіргізу амалдарын жасаған. Заң бұзушыларды мәжбүрлі түрде елден шығаруға қатысты заң жобасында кейбір кемшін тұстар бар. Сондықтан кейбір заң бұзушы шетелдіктер біздің елде айлап тұра береді", - деп атап өтті вице-спикер.

Соңғы 25 жылда халықаралық мигранттар саны екі есе ұлғайып, бүгінде 250 млн адамға жетіп отыр. Ал халықаралық валюта қорының мәліметінше, дамыған мемлекеттерде мигранттар саны  5%-дан 10%-ға дейін өскен, Біріккен ұлттар ұйымының мәліметінше, 66 млн босқын заңсыз мигранттар болып саналады.

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар