ҚР Ауыл шаруашылығы вице-министрі тағайындалды - Жаңалықтар | BNews

ҚР Ауыл шаруашылығы вице-министрі тағайындалды

11 шілде, 20:02 1647 Астана
ҚР Ауыл шаруашылығы вице-министрі тағайындалды

Осыған дейін Берік Бейсенғалиев "Самұрық-Қазына" ҰӘҚ басқарушы директоры, бас директоры, басқарма мүшесі лауазымдарын атқарған. 

ҚР Үкіметінің қаулысымен Берік Тұрсынбекұлы Бейсенғалиев Қазақстан Республикасының ауыл шаруашылығы вице-министрі лауазымына тағайындалды, деп хабарлайды BNews.kz primeminister.kz-ке сілтеме жасап.

Берік Бейсенғалиев 1966 жылы Қостанай облысында дүниеге келген. Е. Бөкетов атындағы Қарағанды мемлекеттік университетін тәмамдаған. Экономика ғылымдарының кандидаты, доктор, "Экономика" мамандығы бойынша қауымдастырылған профессор.

Еңбек жолын 1990 жылы Қарағанды мемлекеттік университетінде оқытушы ретінде бастаған. 1996–2006 жылдары банк жүйесінде қызмет еткен. 2006 жылдан бастап 2009 жылға дейін "Аstana Capital Investment Group" ЖШС бас директорының лауазымын атқарған.

2009–2011 жылдары — "ҚазАгро" ҰБХ басқарма төрағасының орынбасары. 2011 жылы "ҚазАгро" ҰБХ басқарма төрағасы болып тағайындалды.

2012 жылдан бастап 2018 жылғы мамыр аралығында "Самұрық-Қазына" ҰӘҚ басқарушы директоры, бас директоры, басқарма мүшесі лауазымдарын атқарған.

Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас жаңалықтар

`

Серіктестер жаңалықтары